Kompilatioun (Musek)

Eng Kompilatioun ass an der Musekindustrie e Museksalbum mat Lidder vun engem oder verschiddenen Interpreten, déi aus ënnerschiddleche Quelle kommen (Studiosalbumen, Livealbumen, Singelen, Demoen...). Zu de geleefegen Typpe vu Kompilatioune gehéieren ënner anerem Greatest Hits, Best Of oder Singles Collection, bei deenen op engem Album engem Interpret seng bescht oder bekanntst Lidder regruppéiert sinn; Genrekompilatiounen, op deene Museksstécker vun engem bestëmmte Genre ze fanne sinn (z. B. eng Jazz); oder Theemekompilatiounen, op deene Museksstécker mat engem bestëmmten Theema ze fanne sinn (Zum Beispill Chrëschtdag, Léift...).