Kiewerlekszopp

Kiewerlekszopp ass ee vun de wéinege Platen an Europa an deenen Insekte verschafft ginn, a war bis an d'éischt Hallschent vum 20. Joerhonnert op d'mannst an Däitschland (Nordhessen) a Frankräich verbreet. De Goût gläicht deem vun enger Kriibsenzopp.

Fir d'Preparatioun gi Kiewerleken, ouni Flilleken a Been, am Botter ugebroden an an enger Kallefs- oder Héngerbritt gekacht. Jee nom Rezept gëtt d'Zopp gesift an als Britt zerwéiert, oder d'Kiewerleke ginn am Ufank an engem Mörser zerdrätscht, ier d'Zopp virum Zerwéiere passéiert a mat e bësse Roux an Dueder gebonne gëtt.

Gutt dobäi passen eng Tranche Kallefsliewer oder Dauwebroscht. Pro Persoun soll ee mat enger 30 Kiewerleke rechnen.^[1]

Referenzen

↑ Artikel aus dem Joer 1844 an enger medezinescher Fachzäitschrëft, Nogedréckt an: Thomas Hauer (Hg.), Das Geheimnis des Geschmacks. Aspekte der Ess- und Lebenskunst, 2005, S. 122 f.
Kuckt och: J.A. Massard: Maikäfer in Luxemburg: Historisches und Kurioses. Lëtzebuerger Journal 2007, Nr. 88 (8. Mai 2007), S. 26-27 (Maikäfersuppe).

[1] Artikel aus dem Joer 1844 an enger medezinescher Fachzäitschrëft, Nogedréckt an: Thomas Hauer (Hg.), Das Geheimnis des Geschmacks. Aspekte der Ess- und Lebenskunst, 2005, S. 122 f.
Kuckt och: J.A. Massard: Maikäfer in Luxemburg: Historisches und Kurioses. Lëtzebuerger Journal 2007, Nr. 88 (8. Mai 2007), S. 26-27 (Maikäfersuppe).

[1]