Kierch Houschent

D'Kierch zu Houschent ass eng kathoulesch Kierch, déi zur Par Parc Our Saint-Nicolas, zum Dekanat Norden an zu der Gemeng Parc Housen gehéiert.

Kierch vun Houschent
Parkierch vun Houschent (2015) Parkierch vun Houschent (2015)
Uertschaft / Plaz	Houschent
Par	Parc Our Saint-Nicolas
Dekanat	Norden
Numm / Patréiner	Hl. Schutzengelen
Baujoer	1831
Koordinaten	49° 56’ 45.1’’ N       06° 04’ 45.1’’ O
Kierchen - Kapellen

D'Kierch ass den hellege Schutzengele geweit, deenen hiert Fest den 2. Oktober gefeiert gëtt. Niewepatréiner sinn den hellegen Celsus an den hellegen Antonius.

D'Kierch steet op der Kräizung vum Lisseneck mat dem Burewee, nieft dem fréiere Gemengenhaus.

Zur fréierer Par Houschent huet ausser der Parkierch vun Houschent och nach d'Kapell an der Houschter Déckt gehéiert. D'Kierch vun Houschent huet 3 Klacken déi am Schlagtoun Fa Mib an Do och genannt f" es" c" lauden

Geschicht

1560 gouf eng Kapell zu Houschent fir d'éischt an Dokumenter ernimmt. 1808 ass Houschent eng eegestänneg Par ginn. Déi aktuell Kierch ass vun 1831. Eng Plack mat dësem Datum ass ënnen op der Westsäit vum Kierchtuerm ubruecht. 1870 gouf d'Kierch nach vergréissert. 1933 goufe gréisser Restauratiounsaarbechte gemaach. Dobäi ass se vum bekannte Kierchemoler Nicolas Brücher vun Elleng nei bemoolt ginn. Well se am Zweete Weltkrich staark beschiedegt gi war, gouf se 1947 nees nei opgebaut.

Kuckt och

• Lëscht vu reliéise Gebaier zu Lëtzebuerg
• Lëscht vun de Lëtzebuerger Paren
• Lëscht vun de fréiere Lëtzebuerger Paren

Um Spaweck

Commons: Kierch Houschent – Biller, Videoen oder Audiodateien

• Websäit vum Parverband Housen-Houschent
• D'Kierch vun Houschent op der Websäit vum Parverband Housen-Houschent
• D'Fënstere vun der Kierch zu Houschent op der Websäit vun der Stiftung Forschungsstelle Glasmalerei des 20. Jh. e. V. (de)
• D'Uergel vun der Kierch op Orgues.lu

• 
  D'Kierch vu Weste gesinn
• 
  D'Kierch vun Oste gesinn
• 
  Den Agank