Nikloskapell vu Soller

D'Nikloskapell zu Soller ass eng kathoulesch Kapell déi zur Par Wooltz Saints-Pierre-et-Paul, zum Dekanat Norden an zu der Gemeng Wanseler gehéiert.

Kapell vu Soller
Kapell vu Soller (2014) Kapell vu Soller (2014)
Uertschaft / Plaz	Soller
Par	Wooltz Saints-Pierre-et-Paul
Dekanat	Norden
Numm / Patréiner	Hl. Niklos
Koordinaten	49° 57’ 50.9’’ N       05° 49’ 32.1’’ O
Kierchen - Kapellen

De Patréiner vun der Kapell ass den hellegen Niklos, deem säi Fest de 6. Dezember gefeiert gëtt.

D'Kapell steet op der Kräizung vun der rue J.B. Determe, dem CR309, mat der Strooss Um Kanal. Ronderëm d'Kapell ass de Kierfecht ugeluecht.

Se huet deen eenzege Barocktuerm mat Träppleksdaach zu Lëtzebuerg.

Geschicht

Dokumenter beleeën, datt déi Soller Leit bis dat 11. Joerhonnert op Bauschelt an d'Kierch gaange sinn. Wéi Soller och eng Kapell hat, gouf et Sëtz vun enger Par mat Donkels als Filial. Och Bras huet vun 1803 bis 1839 zur Par Soller gehéiert. 1872 ass de Sëtz vun der Par op Donkels verluecht ginn.

D'Kapell vu Soller an de Kierfecht goufe wärend der Ardennenoffensiv staark beschiedegt. Wéi 1959 d'Strooss méi breet gemaach gouf, ass de Kierfecht e Stéck geréckelt ginn a gouf nei amenagéiert.

Bis de 7. Mee 2017 war et eng Kapell vun der Par Donkels, déi zum Parverband Wooltz, Kiischpelt, zu der Pastoralregioun Norden an zum Dekanat Wolz gehéiert huet. Zur fréierer Par Donkels huet ausser der Kapell vu Soller och nach d'Parkierch vun Donkels gehéiert.

D'Paschtéier vu Soller

• 1382: Henri Alman
• 1399: Gérard Alman (oder Laleman)
• 1427: Ghiselbertus Bache
• 1510: Clais
• 1583: Jean Noblehomme
• 1589 - 1602: Guillaume Gavroy vu Marmont
• 1609: Bernard M. Pierre
• 1609 - 1617: Michel Lamborel vun Engreux
• 1617 - 1618: Denis Ballex (oder Baillet) vu Salm
• 1618 - 1630: Laurent Monghausen
• 1630 - 1659: Jean Alexandre
• 1659 - 1689: Jacques Nicolas
• 1689 - 1744: François Belche
• 1744 - 1767: Jean Toussaint
• 1767 - 1809: Jean-Michel Léonard vu Bras
• 1809 - 1819: Gilles-François Conté vun Ëlwen
• 1819 - 1843: Jean-Michel Frankard
• 1843 - 1854: Nicolas Jonrath vun Esch-Sauer
• 1854 - 1862: Antoine Léonard vun Äischer
• 1862 - 1869: François Thinnes vun Harel
• 1869 - 1872: Mathias-Richard Elsen vu Mäerzeg

Kuckt och

• Lëscht vu reliéise Gebaier zu Lëtzebuerg
• Lëscht vun de Lëtzebuerger Paren
• Lëscht vun de fréiere Lëtzebuerger Paren

Um Spaweck

Commons: Nikloskapell vu Soller – Biller, Videoen oder Audiodateien

• Websäit vun der Par Wooltz Saints-Pierre-et-Paul
• D'Kapell Soller an der Facebookgrupp Patrimoine religieux Luxembourg - Reliéisen Ierwen Lëtzebuerg ^[sic]

• 
  D'Kapell vun Nordosten aus gesinn
• 
  D'Kapell vun Osten aus gesinn
• 
  Aganksdier