Kaalber Millen
D'Kaalber Millen ass e Lieu-dit an der Gemeng Klierf (bis Enn 2011: Gemeng Hengescht) an ass en Deel vun der Gemengesektioun Kaalber.
| Kaalber Millen | |
|---|---|
 D'Kaalber Millen am Mäerz 2007 | |
| Aussprooch | |
| An anere Sproochen |
fr: Kalborn-Moulin de: Kalborner Mühle |
| Land | Lëtzebuerg |
| Kanton | Klierf |
| Gemeng |
 Klierf |
| Buergermeeschter | Emile Eicher |
| Awunner | 0 (01.01.2018) |
| Koordinaten |
50° 06’ 11’’ N 06° 07’ 54’’ O |
GeographieÄnneren
D'Kaalber Millen läit am Dall vun der Our, ronn 1.5 km vu Kaalber ewech. Et kënnt en dohin iwwer e Wee de lénks vum CR339 fort geet, wann ee vu Kaalber op d'Tëntesmillen fiert, ongeféier 2 km baussent dem Duerf.
GeschichtÄnneren
D'Kaalber Mille steet zanter dem September 2001 als Inventaire supplémentaire op der Lëscht vun de klasséierte Monumenter.[1]
D'MuschelziichtereiÄnneren
Op der Kaalber Millen huet d'Stëftung Hëllef fir d'Natur mat der finanzieller Hëllef vum Ëmweltministère, dem Naturmusée an dem LIFE-Nature Programm vun der EU vun 2005 bis 2011 e Projet fir d'Erhalen, dorënner och d'Ziichte vun der Flosspärelmuschel (Margaritifera margaritifera) realiséiert.
Nodeem am August 2011 de Life-Projet ausgelaf war, huet d'Stëftung Hëllef fir d'Natur vun natur&ëmwelt eng Konventioun fir d'Finanzéierung vun der Suite vum Projet mam Lëtzebuerger Staat ënnerschriwwen.[2],[3]
Am Projet gëtt Follgendes realiséiert:
- Uleeë vu Sträife laanscht d'Our, fir ze verhënneren datt ze vill Nierstoffer an d'Baach kommen.
- Fiichten déi um Randgebitt vun der Baach stinn, ewechzehuelen.
- Réier, déi an Niewebaache leien, ewechzehuelen fir datt d'Baachfrellen, op deenen hire Kimen d'Larve vun der Muschel liewen, erëm kënne fräi déi Baachen erop zirkuléiere fir ofzeläichen.
- Eng Ziichterei fir Jongmuschelen, déi an d'Our ausgesat ginn.
Kuckt ochÄnneren
Um SpaweckÄnneren
BillerÄnneren
Een Deel vun de Gebaier vun der fréierer Kaalber Millen. Am wäisse Gebai sinn d'Laboe fir d'Zuucht vun der Päerelmuschel.
Referenzen an NottenÄnneren
- ↑ Service des Sites et Monuments Nationaux: Liste des immeubles et objets classés Monuments nationaux ou inscrits à l'Inventaire supplémentaire (Lescht Versioun vum 19. Mee 2021).
- ↑ D'Konventioun gouf ënnerschriwwe vun de Ministere Marco Schank (Delegéierte Minister fir Ëmwelt a Landesplanung) a Jean-Marie Halsdorf (Inneminister).
- ↑ Luxemburger Wort vum 12. Dezember 2011, S. 29.