Jean Schoos (Psycholog)
|
Dësen Artikel beschäftegt sech mat dem Psycholog an Auteur Jean Schoos. Fir aner Leit mat deem Numm, kuckt wgl. Jean Schoos. |
De Jean Schoos, gebuer den 8. September 1947 an der Stad Lëtzebuerg, ass e lëtzebuergesche Psycholog a Schrëftsteller.[1]
| Jean Schoos | |
|---|---|
| Gebuer |
8. September 1947 Lëtzebuerg |
| Aktivitéit | Psycholog, Schrëftsteller |
 | |
No engem Studium vu Chimie, Physik a Mathematik, vun 1967 bis 1969, huet de Jean Schoos vun 1969 bis 1975 op der Universitéit Heidelberg Psychologie a Soziologie studéiert. No 3 Joer als wëssenschaftleche Mataarbechter an enger Aarbechtsgrupp zu Heidelberg gouf hien 1978 Direktor a vun 2000 u President vum Jongenheem (Centre d'Insertion et de Réinsertion Professionnelle) zu Bartreng. 2011 gouf e pensionéiert.
Hien huet 2016 säin éischte Policeroman geschriwwen: Den drëtte Schlëssel (Éditions Guy Binsfeld). Zanterhier kënnt all Joers en neie Roman aus der Serie Gudde Gendaarm, Béise Gendaarm bäi: 2017 koum "dem Fischbach säin 2. Fall" ënner dem Titel Schaarf Munitioun eraus, 2018 deen drëtten, Déidlech Ofgrënn, an 2019 Operatioun Meedag, "dem Fischbach säi 4. Fall".