Jean Foehr
De Jean Foehr (Föhr), gebuer de 25. Februar 1770 zu Tréier, gestuerwen de 25. August 1842 zu Iechternach, war Metzler an Hotelier zu Iechternach.[1]
| Jean Foehr | |
|---|---|
| Gebuer | 25. Februar 1770 |
| Gestuerwen | 25. August 1842 |
| Nationalitéit | Lëtzebuerg |
 | |
Hie war de Fils vum Balthasar Foehr an der Lucie Bernard(y).
Den 29. September 1797 huet hie sech mat der Anne Marie Schiltz (1778-1821) bestuet.[2] D'Koppel huet a "Beerkes" (rue de la Montagne) gewunnt, wou si den "Hôtel du Cerf" haten. Hir Kanner waren:[3]
• Jean Michel Foehr (*1804), dee Präses vum Seminaire gouf.
• Lucie Foehr (*1807), déi sech de 24. November 1824 mat dem Dokter Jean-Mathias Mayrisch bestuet huet. Si waren d'Grousseltere vum Émile Mayrisch.[4]
• Margareta Foehr (*1809), déi sech de 6. Februar 1833 mat dem Jean-Henri Dondelinger jun. bestuet huet.
Literatur änneren
- Muller, J.C., 1989. Familiengeschichtliche Untersuchung über das Paar Emile Mayrisch - Aline de Saint Hubert. In: Galerie 7(1989) N° 1, S. 7-40.
- Staud, R.M. & J. Reuter, 1952. Die kirchlichen Kunstdenkmäler der Stadt Echternach. St. Paulus Druckerei, Luxemburg, S. 62.
Referenzen änneren
- ↑ Muller 1989, S. 26. — Bei Staud & Reuter 1952 steet de 4. Januar 1772 als (Gebuertsdatum an Iechternach als Gebuertsuertschaft; béides ass falsch.
- ↑ Muller 1989, S. 26-27. — Bei Staud & Reuter 1952, S. 62, steet als Hochzäitsdag den 23. September 1797.
- ↑ Staud & Reuter 1952.
- ↑ Muller 1989. S. 14 a S. 23.