Jean-Baptiste Pierre Pioche
De Jean-Baptiste Pierre Pioche, gebuer ëm 1735 zu Paräis a gestuerwen de 17. November 1810 an der Stad Lëtzebuerg war e franséische Moler.
| Jean-Baptiste Pierre Pioche | |
|---|---|
| Gebuer |
1735 Paräis |
| Gestuerwen |
17. November 1810 Lëtzebuerg |
| Nationalitéit | Frankräich |
| Aktivitéit | Lycéesprofesser, Moler |
 | |
Säi Liewen änneren
De Jean-Baptiste Pierre Pioche war Zeecheprofesser zu Metz, ier hien ëm 1795 op Lëtzebuerg koum. Zesumme mat senger Fra, der Marie-Louise Bouché, huet hien um Fëschmaart gewunnt.
Wéi eng Plaz als Zeecheprofesser an der Zentralschoul, dem haitege Kolléisch, ausgeschriwwe war, huet de Pioche sech 1798 dorop gemellt, grad wéi de Lëtzebuerger Moler Pierre Maisonnet. Dem Pioche seng Kandidatur gouf ugeholl[1] an hien ass bis zu sengem Doud Zeecheprofesser bliwwen. Duerno huet de Maisonnet déi Funktioun iwwerholl.
Wierker änneren
Et schéngt keent vu senge Wierker méi ze bestoen.
Och wa keng Pläng méi bestinn, sou ass awer gewosst, datt de Pioche Dekoratiounsaarbechten an der Méchelskierch an der Stad gemaach hat (republikanesch Symboler a Biller). D'Kierch war nämlech 1798, ënner dem Franséische revolutionäre Regime, fir d'éischt als Theater an dunn als Dekadentempel a Gebrauch.
Literatur änneren
- Anonym, 1963. Étapes de la peinture luxembourgeoise. 19e siècle: [Exposition] du 1er au 16 juin 1963. Musée d'histoire et d'art, Luxembourg. Impr. Linden, Luxembourg. Follgend Artiste gi behandelt: Jean-Baptiste Fresez, Mathieu Kirsch, Hilaire Kreins, Jacques Sturm, Jean-Nicolas Bernard, Nicolas Liez, Jean-Auguste Marc, Pierre Brandebourg, Michel Sinner, Michel Engels, Michel Weyler, Frantz Seimetz, Thérèse Glaesener-Hartmann, Ferdinand d'Huart, Jean-Pierre Huberty, Alphonse Jungers, Dominique Lang
- Association des professeurs d'éducation artistique de l'enseignement secondaire et supérieur. Regard sur deux siècles de création et d'éducation artistiques au Luxembourg . Luxembourg: Imprimerie Saint-Paul, 1987 S.82-83 ISBN 2-87963-000-2
Kuckt och änneren
Referenzen an Notten änneren
- ↑ 1799 stoung hien nach op der Lëscht vun de Professeren aus der Zentralschoul vum Département des forêts. Do gouf hien als « Entrepreneur général des Convois militaires et ancien Professeur de Dessin de Metz » gefouert