Heinkel He 70
Den Heinkel He 70 Blitz ass e Schnellverkéiersfliger, dee vum Siegfried Günter entworf gouf an zanter 1932 vun den Ernst Heinkel Fligerfabriken zu Rostock am Optrag vun der Lufthansa gebaut gouf. E war eng zäitlang de séierste Verkéiersfliger op der Welt (Spëtzevitesse 362 km/h), wat him den Numm Blitz abruecht huet. En ass fir d'éischt den 1. Dezember 1932 geflunn, knapps 5 Méint nodeem en entworf gouf.
Geschicht
ännerenD'He 70 ass aus aus der Fuerderung vun der Lufthansa no méi engem séiere Fligertyp entstanen, dee méi séier sollt si wéi den US-amerikanesche Lockheed Vega, dee bei der Swissair fir kuerz Strecken a Betrib war.
Dës Maschinn war e Meilesteen an der Aviatioun, si war duerch hir aerodynamesch Konstruktioun hirer Zäit e Stéck viraus. Et war och den éischten europäesche Fliger respektiv den éischte Verkéiersfliger op der Welt dee säi Fuerwierk konnt eranzéien. D'He 70 huet aacht Rekorder opgestallt.
Am Fliger konnte 5 Passagéier matfléien, an de Fliger hat just ee Pilot.
Mat dëser Maschinn huet d'Lufthansa de Flug-Blitzdienst agefouert, dee Berlin mat Frankfurt um Main, Hamburg a Köln verbonnen huet, an och d'Route Köln/Hamburg.
E puer Exemplare goufen exportiert (Ungarn-18 Maschinnen, Spuenien, England). Eng Maschinn gouf vun der englescher Firma Rolls Royce kaaft fir hir staark Motoren ze testen.
Nieft der ziviller Ausféierung goufen och militäresch Versiounen entwéckelt.
Um Spaweck
änneren| Commons: Heinkel He 70 – Biller, Videoen oder Audiodateien |
