Grousse Brombaachséi

De Grousse Brombaachséi ass e Stauséi a Bayern (Däitschland).

Grousse Brombaachséi

Land	Däitschland
Verwaltungseenheet	Pleinfeld
Héicht. i. M.	407 m
Koordinaten	49°7'50,9"N, 10°56'6,7"O

De Séi ass de Kär vum Fränkesche Séeiland an ass haaptsächlech do fir Waasserstänn ze regléieren an Zäite wou et net sou vill reent (Nordbayern huet net vill Nidderschlag), an awer och fir wann et richteg schëtt dem Héichwaasser aus de Féiss ze goen. En ass awer och eng Fräizäitplaz fir déi ganz Géigend.

Geographie

De Séi läit haaptsächlech am Landkrees Weißenburg-Gunzenhausen, (eng kleng Parti um nërdleche Séiuwänner gehéiert zum Landkreis Roth), a 37 km am Süde vun Nürnberg. E läit an engem groussen Dall, deen no Osten opgeet a ronderëm sinn iwwerall Bëscher.

Als Noperen huet en zwéi Séien déi méi héich leien, de Klenge Brombaachséi, an den Igelbaachséi. Dës zwéi si vun him duerch zwou Staumaueren (déi eng 18 m an déi aner 16 m héich) getrennt. Vun dësen dräi Séien ass hien deen eenzegen, op deem e Schëff fiert d'MS Brombachsee.

E kritt säi Waasser aus den zwéin ieweschte Séien an no ënne leeft e weider an de Brombach dee selwer bei Pleinfeld an d'Schwäbische Rezat leeft.

Et ass ee wichtegt Noerhuelungsgebitt fir de Ballungraum Nürnberg. Et kann een dra schwammen, an drop seegelen oder wandsurfen. Mat dem Trimaran MS Brombachsee kann een drop fueren.

Nopeschséien

• Altmühlséi
• Igelsbaachséi
• Klenge Brombachséi
• Rothséi
• Dennenloher Séi
• Hahnenkammséi

Literatur

• Talsperren in der Bundesrepublik Deutschland, Peter Franke, Wolfgang Frey, DNK - DVWK 1987, ISBN 3-926520-00-0

Um Spaweck

• Wasserwirtschaftsamt Ansbach
• Zweckverband Fränkisches Seenland
• Das Fränkische Seenland - Impressionen
• Tourismusverband Fränkisches Seenland
• zuzuku -Skulpturen im öffentlichen Raum- Informatiounen zu Skulpturen op de Brombaachséien

Commons: Brombachsee – Biller, Videoen oder Audiodateien