Gotthard-Basistunnel
De Gotthard-Basistunnel ass e 57 km laangen Eisebunnstunnel, deen aus zwéi Réier besteet, an ënner dem St.-Gotthard-Massiv an de Schwäizer Alpen gebaut gouf. Bei sengem Bau sinn 9 Leit ëm d'Liewe komm. Et ass dee längsten Tunnel vun der Welt a verbënnt Erstfeld am Kanton Uri mat Bodio am Kanton Tessin. De 15. Oktober 2010 gouf den Duerchbroch realiséiert, den 1. Juni 2016 gouf en no 17 Joer Bauzäit ageweit.[1] Den 11. Dezember 2016 gouf en a Betrib geholl.
 | |
| Typ | Eisebunnstunnel |
|---|---|
| Technesch Donnéeën | |
| Längt |
57 104 (Ostrouer) 57 017 (Westrouer) |
| Déift | 2 450 m |
| Réier | 2 |
| Bau | |
| Bauzäit | 1998 - 2016 |
| Geographie | |
| Land |
 Schwäiz |
| Uertschaften | Erstfeld - Bodio |
En ass en Deel vun der sougenannter NEAT, engem ambitiéise Projet, deen et erméigleche soll, den Transit-Camionsverkéier duerch d'Schwäizer Alpen, op d'Schinn ze verleeën. D'Zich kënne maximal bis zu 250 km/h fueren, effektiv sollen d'Persounenzich awer mat 200 km/h fueren, d'Gidderzich nëmme mat 100 km/h.
En huet ronn 12,2 Milliarde Schwäizer Frang kascht (11 Milliarden Euro zum Cours vum Juni 2016).
Bauhär ass d'Schwäizer Eisebunn, via hir Filial AlpTransit.
Um Spaweck
änneren- (fr) (de) (it) (en) Offiziell Websäit
- (fr) Dossier vun der Schwäizer franséischsproocheger Tëlee
Referenzen
änneren- ↑ Gotthard-Basistunnel - "Jahrhundertbauwerk" ist eingeweiht op wort.lu vum 1. Juni 2016