Haaptmenü opmaachen
Veräinslogo

Den FC Bayern München ass en däitsche Foussballclub deen zanter 1965 an der Éischter Däitscher Foussballbundesliga spillt.

Bayern München ass deen erfollegsräichste Club aus Däitschland an ass dee Foussballclub deen déi zweethéchst Memberszuel op der Welt huet ( >110 000 Memberen). Zanter senger Grënnung am Joer 1900 hunn d'Stare vu Bayern München 20 däitsch Meeschtertitele gesammelt a véiermol d'Champions League-Coupe gewonnen. Sou wonnert et och net, datt d'Bayern, wéi se am Volleksmond och nach genannt ginn, ee vun den erfollegsräichsten an ugesinnste Clibb a ganz Europa duerstellt.

E gewësse Franz John huet de Club de 27. Februar 1900 mat 10 Foussballkollege gegrënnt, nodeem se Sträit mat hirem Stammveräin MTV 1879 München kritt haten. Vill Joer méi spéit war et dann en anere Franz, de Franz Beckenbauer, deen als ee vun de beschte Foussballspiller vun der Welt den FC Bayern München zu weideren Erfolleger gefouert huet.

Haut ass de Franz Beckenbauer President vum FC Bayern München. Am Comité vum Veräi sinn den Uli Hoeneß (Manager), Karl Hopfner (Finanzen) an de Karl−Heinz Rummenigge (Comitéspresident) vertrueden an den Trainer vum Weltclub ass den Ottmar Hitzfeld, deen de Club zanter senger Verflichtung am Joer 2000 (1. Juli) op der Erfollegsspuer hält, notamment mam Doublé (Meeschterschaft a Coupe) gläich a senger éischter Saison als Trainer bei de Bayern.

De leschten Erfolleg vun de Bayern am europäesche Foussball ass de Gewënn vun der Champions League am Joer 2001 wou se sech an der Finall géint den FC Valencia aus Spuenien am Eelefmeter duerchgesat hunn. Domat hu si dann och dat Ongléck aus dem Joer 1999 erëm wettgemaach wéi se d'Champions League géint Manchester zu Barcelona an der Nospillzäit vun der Parti - si haten 1:0 geféiert - nach verluer hunn.

Ënner dem neien Trainer Jürgen Klinsmann schécke se sech un, nees un dës Erfolleger unzeknäppen. Déi lescht Saison hu se schonn divers Rekorder opgestallt an däerften eng gutt Roll beim Vergi vun der dësjäreger Coupe vun der Champions League spillen.

Kapitän vun de Bayern ass de Philipp Lahm.

Den FC Bayern München huet nieft der Profisequipe och nach Jugendequippen, an eng Fraenequipe déi ufänkt grad sou erfollegräich ze gi wéi d'Männer.

Nieft de Foussballsequippe gëtt et beim FC Bayern München nach Basketball-, Schach-, Turn-, Dëschtennis-, Arbitter-, Handball- a Keelenabteilungen.

KaderÄnneren

  00De Contenu vun dësem Kapitel oder dësem Artikel ass net méi aktuell. Hëlleft w.e.g. mat, en nees op de leschte Stand ze bréngen.
Nr. Nat. Numm Gebuertstag Am Veräin zanter Vertrag bis
Gol
01 DEU  Manuel Neuer 27. Mäerz 1986 2011 2016
22 DEU  Tom Starke 18. Mäerz 1981 2012 2015
24 DEU  Maximilian Riedmüller 4. Januar 1988 2008 2013
32 DEU  Lukas Raeder 30. Dezember 1993 2012 2014
Ofwier
04 BRA  Dante 18. Oktober 1983 2012 2016
05 BEL  Daniel Van Buyten 7. Februar 1978 2006 2013
13 BRA  Rafinha 7. September 1985 2011 2014
17 DEU  Jérôme Boateng 3. September 1988 2011 2015
21 DEU  Philipp Lahm (C)  11. November 1983 1995 2016
26 DEU 
ITA 
Diego Contento 1. Mee 1990 1995 2016
28 DEU  Holger Badstuber 13. Mäerz 1989 2002 2014
Mëttelfeld
07 FRA  Franck Ribéry 7. Abrëll 1983 2007 2015
10 NED  Arjen Robben 23. Januar 1984 2009 2015
11 SUI 
UNK 
Xherdan Shaqiri 10. Oktober 1991 2012 2016
23 DEU  Mitchell Weiser 21. Abrëll 1994 2012 2015
27 AUT  David Alaba 24. Juni 1992 2008 2015
30 BRA  Luiz Gustavo 23. Juli 1987 2011 2015
31 DEU  Bastian Schweinsteiger 1. August 1984 1998 2016
36 DEU 
TUR 
Emre Can 12. Januar 1994 2009 2013
39 DEU  Toni Kroos 4. Januar 1990 2006 2015
44 UKR  Anatolij Tymoschtschuk 30. Mäerz 1979 2009 2013
Stuerm
09 CRO  Mario Mandžukić 21. Mee 1986 2012 2016
14 PER 
ITA 
Claudio Pizarro 3. Oktober 1978 2012 2013
20 DEU  Patrick Weihrauch 3. Mäerz 1994 2010 2014
25 DEU  Thomas Müller 13. September 1989 2000 2015
33 DEU  Mario Gómez 10. Juli 1985 2009 2016

StatistikÄnneren

  00De Contenu vun dësem Kapitel oder dësem Artikel ass net méi aktuell. Hëlleft w.e.g. mat, en nees op de leschte Stand ze bréngen.
  • Europokal vun de Landesmeeschter (3) / Champions League (1):
    • Siiger: 1974, 1975, 1976, 2001
    • Zweeten: 1982, 1987, 1999
  • UEFA-Pokalsiger (1): 1996
  • Europapokal vun de Pokalgewënner (1): 1967
  • Weltpokal (2): 1976, 2001
  • Doublé (5): 1969, 1986, 2000, 2003, 2005, 2006
  • Däitsche Meeschter (21): 1932, 1969, 1972, 1973, 1974, 1980, 1981, 1985, 1986, 1987, 1989, 1990, 1994, 1997, 1999, 2000,2001,2003, 2005, 2006, 2008
  • Däitsche Vizemeeschter (8): 1970, 1971, 1988, 1991, 1993, 1996, 1998, 2004
  • DFB-Pokal-Gewënner (12): 1957, 1966, 1967, 1969, 1971, 1982, 1984, 1986, 1998, 2000, 2003, 2005, 2006, 2008
  • DFB-Pokal-Finallist (2): 1985, 1999
  • Däitsche Supercup-Gewënner (3): 1983 (inoffiziell), 1987, 1990
  • Däitsche Ligapokal-Gewënner (6): 1997, 1998, 1999, 2000, 2004,2007


Um SpaweckÄnneren