Eech zu Klengbetten
D'Eech zu Klengbetten ass eng Stilleech (Quercus robur), déi zu Klengbetten an der Gemeng Stengefort steet. Wéinst hirer Gréisst an hirem Ëmfang gehéiert se zu de bemierkenswäerte Beem zu Lëtzebuerg.
Eech zu Klengbetten | |
---|---|
D'Stilleech am Viktorsbierg (Mäerz 2011) | |
Kategorie | geographeschen Objet, Bemierkenswäert Beem zu Lëtzebuerg |
Land | Lëtzebuerg |
Gemeng | Stengefort |
Plaz | Klengbetten |
Adress | Viktorsbierg |
Koordinaten | 49°38'49"N, 5°54'50"O |
Bamaart | Eechen |
Status | Zousazinventaire vun de klasséierte Monumenter |
Héicht | 24 m (2000) |
Duerchmiesser | 1,54 m (2000) |
Ëmfang | 4,84 m (2000) |
D'Eech gouf duerch en Arrêté ministériel vum 19. Juli 2001 op den Inventaire supplémentaire des monuments nationaux opgeholl.[1],[2]
Ëm 2010 huet d'Gemeng Stengefort en Informatiounspanneau beim Bam opstelle gelooss.
Lokalisatioun änneren
D'Eech steet um Viktorsbierg (rue de la Montagne) an engem géie Rampli nieft der Strooss, op gläicher Héicht mam Bauerenhaff, zu deem se gehéiert.
Entwécklung vum Bam änneren
Den Alter vun der Eech ass net bekannt, en däerft awer 200 Joer iwwerschreiden.
Een Deel vun de Wuerzele läit fräi. Ufanks 2011 war um Stamm e grousse Champignon ze gesinn, wat drop hiweist, datt dem Bam seng Ofwierkräfte geschwächt sinn.
Joer | [3] | ||
---|---|---|---|
≈2000 | 4,84 | 1,54 | 24,00 |
Quellen änneren
- Sinner J. et al., 2002. Les arbres remarquables. Administration des eaux et forêts. Musée national d'histoire naturelle. 255 S. (Cf. S. 20-21, Text a Foto).
Kuckt och änneren
Biller änneren
-
D'Eech am Dezember 2007
-
2007: De Stamm huet nach kee Champignon ugesat.
Um Spaweck änneren
Commons: Eech zu Klengbetten – Biller, Videoen oder Audiodateien |
Referenzen an Notten änneren
- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 27. Februar 2024).
- ↑ An den Arbres remarquables 2002 gëtt de 4. Dezember 1969 fir den Arrêté ministériel genannt. Dat ass eng Verwiesslung mam Datum vun där anerer klasséierter Eech (am Pariswee) zu Klengbetten, déi virun 2002 ewechgeholl gouf.
- ↑ op Broschthéicht gemooss