Doctena
Doctena SA[3] ass eng lëtzebuergesch Entreprise, déi et Patienten erlaabt online – iwwer Internet oder eng App – e Rendez-vous bei engem Dokter oder enger anerer medezinescher Fachkraaft ze buchen. Si gouf 2013 gegrënnt an ass de Leader um europäesche Maart.
| Doctena | |
|---|---|
 | |
| Typ | SA |
| Grënnungsdatum | 29.03.2013 |
| Sëtz |
42, Rue de la Vallée 2661 Lëtzebuerg |
| Leedung | Alain Fontaine (CEO)[1] |
| Mataarbechter | 90[2] |
| Produit | Medezinesch Rendez-vousen |
| Homepage | www.doctena.lu |
Doctena ass zu Lëtzebuerg, an der Belsch, Däitschland, Éisträich, Holland an an der Schwäiz aktiv. 2020 gouf d'Plattform vun iwwer 10.000 Professioneller aus dem medezinesche Beräich gebraucht an huet iwwer 15,5 Millioune Rendez-vouse pro Mount organiséiert.[4]
Geschicht änneren
Wéi Doctena 2013 vum Patrick Kersten, Alain Fontaine a Marc Molitor gegrënnt gouf,[5] gouf et a gréisseren europäesche Stied wéi Paräis oder Berlin schonn änlech Konzepter, déi op medezinesch Rendez-vouse spezialiséiert waren. D'Entreprise huet sech dowéinst op méi kleng Länner a Stied spezialiséiert.[2]
Schonn 2014 huet d'Doctena sech op de belsche Maart getraut, mat enger éischter Implantatioun zu Bréissel,[6] an d'Joer drop dunn op den hollännesche Maart.[7]
2016 gouf an d'Schwäiz expandéiert[8] an an der Belsch huet Doctena de Konkurrent DocBook iwwerholl [9]; méi spéit och nach den däitsche Konkurrent Doxter.[10]
D'Joer drop huet Doctena den éisträichesche Konkurrent Mednanny opkaaft, duerno och déi medezinesch Spart vum däitschen Terminland[11] a vun der belscher Firma Sanmax.[12]
Zënter der COVID-19-Pandemie (2020) bitt Doctena Consultatiounen op Distanz un,[13] an och Ordonnancen, Attester an Analysen.[14] Géint Enn vum selwechte Joer huet Doctena matgedeelt, datt iwwer d'Hallschent vun den Dokteren zu Lëtzebuerg op Doctena vertruede wieren.[15]
2021 huet Doctena d'Impfplattform géint de Coronavirus vun der Regioun Bréissel, Bruvax, matentwéckelt.[16][17]
Referenzen änneren
- ↑ doctena.lu: Du changement à la tête de Doctena (3. September 22020)
- ↑ 2,0 2,1 startupluxembourg.com: Success stories: Doctena (gekuckt den 21. August 2021)
- ↑ am Handelsregëster (lbr.lu) ënnert der Nr B176487 agedroen
- ↑ tradeandinvest.lu: Luxembourg start-up Doctena offers remote medical consultation solution (6. Mäerz 2020)
- ↑ tradeandinvest.lu: Doctena – Medical appointments at the click of a button (6. Abrëll 2018)
- ↑ doctena.lu: Lancement de Doctena.be à Bruxelles (8. Mee 2014)
- ↑ paperjam.lu: Doctena a inauguré une plateforme aux Pays-Bas (8. Oktober 2015)
- ↑ medinside.ch: Noch eine Buchungsplattform für Arzt-Praxen in der Schweiz (18. Januar 2016)
- ↑ paperjam.lu: Doctena s’allie à DocBook pour couvrir la Belgique (19. Mee 2016)
- ↑ paperjam.lu: Doctena rachète Doxter, son concurrent allemand (16. November 2016)
- ↑ paperjam.lu: Doctena continue son expansion en Allemagne (16. Mäerz 2017)
- ↑ siliconluxembourg.lu: DOCTENA Takes Over Sanmax (29. Juni 2017)
- ↑ paperjam.lu: Doctena lance la consultation médicale à distance (20. Mäerz 2020)
- ↑ paperjam.lu: Doctena intègre ordonnances, attestations et analyses (2. Abrëll 2020)
- ↑ wort.lu: Doctena a séduit la moitié des médecins luxembourgeois (9. Dezember 2020)
- ↑ lalibre.be: Plus de 750.000 rendez-vous pour la vaccination pris avec Bru-Vax depuis son existence (28. Juli 2021)
- ↑ lecho.be: Doctena choisie pour simplifier la prise de rendez-vous dans les centres de vaccination bruxellois (29. Mäerz 2021)