Dionysiuskierch vun Uewerkäerjeng

D'Dionysiuskierch vun Uewerkäerjeng ass eng kathoulesch Kierch déi zur Par Kordall Sainte-Barbe am Dekanat Süden-West an zu der Gemeng Käerjeng gehéiert.

Kierch vun Uewerkäerjeng
Uertschaft / Plaz	Uewerkäerjeng
Par	Par Kordall Sainte-Barbe
Dekanat	Dekanat Süden-West
Numm / Patréiner	Hl. Dionysius
Konsekratioun	1761
Koordinaten	49° 34’ 33.1’’ N       05° 54’ 39.1’’ O
Kierchen - Kapellen

De Patréiner ass den hellegen Dionysius (Denis), deem säi Fest den 9. Oktober gefeiert gëtt.

Si steet an der rue de l'Église, enger Säitestrooss vun der rue de Bascharage, dem CR110A.

Zur fréierer Par Uewerkäerjeng gehéiert ausser der Parkierch vun Uewerkäerjeng och nach d'Filialkierch vu Lénger.

Zanter dem 28. Januar 1971 ass d'Kierch als Zousazinventaire op der Lëscht vun de klasséierte Monumenter agedroen.

Geschicht

Am Joer 1744 ass d'Uewerkäerjenger Kierch nei opgebaut ginn. Dorop weist de Schlosssteen iwwer der Aganksdier hin, op dem "Anno 1744" - "Reaedificatum 1740" steet.

De 15. August 1761 gouf d'Kierch vum Tréierer Weibëschof Johannes Nikolaus von Hontheim konsekréiert.

D'Uergel

D'Uergel vun der Uewerkäerjenger Kierch gouf 1952 vun der Uergelmanufaktur Sebald vun Tréier gebaut an ass zanterhier onverännert.

Kuckt och

D'Kierch vun Uewerkäerjeng (2013)

• Lëscht vu reliéise Gebaier zu Lëtzebuerg
• Lëscht vun den nationale Monumenter an der Gemeng Käerjeng

Um Spaweck

Commons: Dionysiuskierch vun Uewerkäerjeng – Biller, Videoen oder Audiodateien

• D'Kierch op der Websäit vum Parverband Nidderkäerjeng
• D'Fënstere vun der Kierch vun Uewerkäerjeng op der Websäit vun der Stiftung Forschungsstelle Glasmalerei des 20. Jh. e. V. (de)
• D'Uergel vun der Kierch op der Websäit vun Orgues.lu