Den DKW Club Letzebuerg ass e lëtzebuergeschen Autosclub, deen 1962 gegrënnt gouf. "DKW" am Numm vum Club steet fir Dampf Kraft Wagen a bezitt sech op déi fréier däitsch Autosmark.

En DKW 3=6, Baujoer 1955-56

Den Zweck war, zesumme bei automobil-sportlechen Evenementer wéi Courssen, Biergcourssen a Slalomen zu Lëtzebuerg matzemaachen, anerersäits awer och am Ausland bei DKW-Evenementer matzemaachen, wéi z. B. dem Internationale Silberschild-Rennen op der Avus zu Berlin. Et war zu deem Zäitpunkt also éischter eng Écurie.

Geschicht änneren

De 6. Oktober 1962 hunn den Armand Eicher, Paul Hilger, Jean Nicolas, Robert Raus, Jean Thill, Raymond Thoma, Jean Weisgerber an Armand Wies den "DKW Club Luxembourg asbl" gegrënnt.[1]

De Club ass awer Mëtt den 1970er Joren entschlof, bedéngt doduerch, datt d'Wierk, d'Autounion, 1964 opgehalen huet, DKWen ze produzéieren, an de Marken-Numm Audi nees opliewe gelooss huet.

Um Autojumble 1999 zu Monnerech haten de Jean-Claude Muno an den Armand Dupont, allen zwee DKW-Fuerer, d'Iddi, een DKW Club ze grënnen. De Jean-Claude Muno huet dunn, no ville Recherchen a mat Hëllef vum Jos Wantz, erausfonnt, datt et 1962 schonn een DKW Club zu Lëtzebuerg gouf a sech d'1962er Statute besuergt. Encouragéiert vum Jean Godart, deemolege President vun der Lëtzebuerger Oldtimer-Federatioun (LOF), ass de Jean-Claude Muno drugangen d'Grënnungsmemberen opzesichen an de Club z'iwwerhuelen, elo awer als Oldtimer- a Sammlerclub.

Zanter 2000 gëtt et de Club nees. En huet zirka 25 Memberen, dorënner e puer Leit aus dem däitschen a belsche Grenzgebitt.

Referenzen änneren

  1. Memorial, Nr. 43, 1962