Carmichael (Moundkrater)
Moundkrater
De Carmichael ass en Aschlagkrater um ëstleche Rand vum Sinus Amoris a läit am nordëstleche Quadrant op der viischter Äerdmoundsäit. Nord-nordëstlech läit de klenge Krater Hill. Weider ost-nordëstlech ass den opfällege Macrobius. De Carmichael ass kreesronn mat engem klenge flaache Kraterfong an der Mëtt. Seng baussenzeg Wänn si ganz géi. Bei der südëstlecher Kraterwand ass en niddrege Koup mat Gestengs. De Krater selwer ass fräi vun opfällege Aschlagspueren, bis op e winzegen Aschlag knapps baussenzeg vum süd-südwestleche Rand.
 | |
| Koordinaten | 19°31'48"N, 40°21'36"O |
|---|---|
| Duerchmiesser | 19,7 km |
| Déift | 3.800 m |
| Selenographesch Längt | 320° bei Sonnenopgank |
| Genannt no | Leonard Carmichael |
| Genannt am Joer | 1973 |
| Moundvéiereck | LQ12 |
Viru senger Ëmbenennung duerch d'IAU am Joer 1973 gouf de Carmichael mat Macrobius A bezeechent.
Kuckt och
änneren
