Baueren- a Mëttelstandspartei
|
Dësen Artikel beschäftegt sech mat der Baueren- a Mëttelstandspartei. Fir eng Partei mam änlechem Numm, kuckt wgl. Partei vun de Baueren, dem Mëttelstand an den Aarbechter. |
D'Baueren- a Mëttelstandspartei (frs: Parti des agriculteurs et des classes moyennes) war eng lëtzebuergesch politesch Partei, déi an den 1930er Joren existéiert huet a just am Walbezierk Norden aktiv war.
Si gouf vum Eugène Hoffmann gegrënnt an ass d'Nofollgerin vun deem senger Onofhängeger Rietspartei aus den 1920er. D'Baueren- a Mëttelstandspartei huet nëmme bei de partielle Chamberwalen 1931 an 1937 matgemaach an ass duerno nees verschwonnen.
Bei de Partielle Chamberwale vum 7. Juni 1931 krut d'Baueren- a Mëttelstandspartei am Norden 46.446 vun 291.280 Stëmmen, dat heescht ronn 16 %, a konnt mam Eugène Hoffmann a mam Jean-Pierre Wenkin zwéin Deputéiert an d'Chamber schécken.[1],[2]
Bei de Partielle Chamberwale vum 6. Juni 1937 hat si wäitaus manner Succès a kee vun hire Kandidate gouf gewielt. Si krut 19.634 vun den 317.739 gëltege Stëmmen (6 %) am Walbezierk Norden.[3],[4],[5] Den Eugène Hoffmann war 1935 gestuerwen an de Jean-Pierre Wenkin war virun de Walen 1937 bei eng aner Partei mat engem änlechen Numm gewiesselt, d'Partei vun de Baueren, dem Mëttelstand an den Aarbechter.
Referenzen
änneren- ↑ "Resultate der Kammerwahlen vom 7. Juni", Luxemburger Wort, 11. Juni 1931, S. 3
- ↑ "Chronique locale", L'indépendance luxembourgeoise, 11. Juni 1931, S. 2
- ↑ "Offizielle Wahlresultate - Bezirk Norden", Escher Tageblatt, 10. Juni 1937, S. 7
- ↑ "Offizielles Resultat der Kammerwahlen vom 6. Juni", Luxemburger Wort, 9. Juni 1937, S. 4
- ↑ "Les élections législatives - Résultats officiels de la circonscription du Nord", Luxembourg - Journal du matin, 10. Juni 1937, S. 2