American Building (Stad Lëtzebuerg)

American Building ass den Numm vun engem Gebai an der Uewerstad vun der Stad Lëtzebuerg, um Eck vun der Ënneschtgaass mat der Philippsgaass.

American Building
HS20 Philippe II American Building.jpg
(2011)
Land Lëtzebuerg
Plaz Uewerstad
Adress Eck Ënneschtgaass/Philippsgaass.
Koordinaten 49° 36’ ’’ N 06° 07’ ’’ E
Baustil Historizismus
Datum vum Bau ëm 1908

Et gouf vum Architekt Alphonse Kemp am historizistesche Stil entworf; d'Baufirma vum Achille Giorgetti huet d'Aarbechten ëm 1908 ausgefouert. Bauhär a Proprietär war d'Reesagence Derulle-Wigreux. Dës gouf vum Jean-Joseph Derulle 1863 gegrënnt a war spezialiséiert op d'Auswanderer an Amerika.[1] Tëscht 1897 an 1937 si 16.054 Leit mat Hëllef vun där Agence emigréiert.[2]

Den Numm hat d'Gebai vun Ufank un; nach haut fält et op duerch déi markant Skulptur um Daach vun engem Aadler, dee grad fortflitt. Allerdéngs war d'Statu am der Zäit vun der Nazi-Besatzung ewechgeholl ginn, a wéi se nom Krich nees opgesat gouf, gouf den Sockel op der Kuppel net méi zréckgesat, soudatt, den 'Envol' net méi sou androcksvoll ausgesäit wéi virdrun.[3]

Den 3. Mee 2021 gouf proposéiert, d'Gebai als nationaalt Monument ze klasséieren[4].

LiteraturÄnneren

  • Lorang, Antoinette, 1995. "… bis in unendliche Ferne. 'American Building', 34, rue Notre-Dame, Luxemburg." in: Antoinette Lorang & Denis Scuto, ed.: La maison d'en face - Das Haus nebenan. Éditions Le Phare, S.45-48.

ReferenzenÄnneren

  1. Lorang, 46-47.
  2. Jean-Claude Muller: " 'Es ist ein anderes Leben in Amerika…' Einwanderer im Melting-Pot." Tageblatt 6.-7. Mee 1995.
  3. Lorang, 48.
  4. Service des sites et monuments nationaux: Liste des immeubles et objets classés Monuments nationaux ou inscrits à l'Inventaire supplémentaire. (Lescht Versioun vum 2. September 2021).