D'Alemannia Aachen (offiziell: Aachener Turn- und Sportverein Alemannia 1900 e. V.) ass de gréisste Sportsveräi vun der Stad Oochen.

Zanter der Saison 2013/2014 spillt d'Foussballsekipp an der Regionalliga West. Vun der Saison 1967/68 bis 1969/70, an 2006/07 huet se an der éischter Bundesliga gespillt. Fir d'Saison 2012/2013 huet se an der drëtter Liga gespillt. Mat 26 Saisonen an der 2. Bundesliga steet se do an der éiweger Tabell op der zweeter Plaz hannert Fortuna Köln.

Niewent dem Foussball gëtt et am Veräin nach Departementer fir Badminton, Liichtathletik, Dëschtennis a Volleyball.