Zousazschëld Modell 5

Zousazschëld Modell 5
	Ausname fir verschidde Benotzer oder Gefierer
Bezeechnung	Modell 5
Kategorie	Zousazschëld
Land	Lëtzebuerg

De Modell 5 ass en Zousazschëld aus dem Lëtzebuerger Code de la route dat ugëtt, datt d'Schëld ënner deem et hänkt, net fir déi Kategorië vu Benotzer oder Gefierer gëllt, déi als Symbol oder Opschrëft zesumme mam Text „excepté“ oder „excepté/frei“ ugi sinn. De Modell 5 kann entweeder ënner engem Verbuetsschëld oder de Schëlter D, 1a^[1] oder E, 14 hänken.

Et gëtt verschidden Ënnerkategorië vum Zousazschëld Modell 5:

Modell 5a änneren

D'Illustratiounen hei drënner si Beispiller vum Modell 5a

D'Schëld gëllt net fir:

Vëloen…
Vëloen, Trakteren a motoriséiert Maschinnen…
Awunner an hir Liwweranten…
Awunner, hir Liwweranten, Trakteren a motoriséiert Maschinnen…
Elektresch Gefierer oder elektro-hybrid Gefierer déi un d'Opluetstatioun ugeschloss sinn^[2].

Modell 5b änneren

De Modell 5b deen ënner dem Schëld C, 18 hänke kann, gëtt un, datt de Verbuet net gëllt fir Gefierer déi fir den Transport vun handicapéierte Persoune gebraucht ginn an déi eng gëlteg „carte de stationnement pour personnes handicapées“ derbäi hunn.

Originaltext aus dem Code de la route änneren

Artikel 107 – IX. Symboles et inscriptions additionnels^[3]
« 2.5. Les sous-catégories du modèle 5 indiquent que le signal d'interdiction ou bien les signaux D,1 ou E,14 qu'elles complètent ne sont pas applicables à la ou les catégories d'usagers ou de véhicules dont le symbole ou l'inscription accompagne la mention « excepté » ou « excepté/frei » ».
Le modèle 5a (…) indique que le signal n'est pas applicable aux:

cycles

cycles, tracteurs et machines automotrices

riverains et leurs fournisseurs

riverains et leurs fournisseurs, ainsi que tracteurs et machines automotrices

véhicules automoteurs électriques et véhicules automoteurs électriques hybrides raccordés au point de recharge
Le modèle 5b, qui peut compléter le signal C,18, indique que l'interdiction de stationnement ne vise pas les véhicules servant au transport de personnes handicapées, à condition qu'ils soient munis d'une carte de stationnement pour personnes handicapées en cours de validité; le nombre d'emplacements peut varier. »