Torremolinos

Dëse Geographiesartikel iwwer Spuenien ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Torremolinos ass eng Stadgemeng an der spuenescher Regioun Andalusien. Si ass eng vun den 100 Gemengen vun der Provënz Málaga.

D'Plaz no beim Strand

Deel vun der Strandpromenade

D'Stad Torremolinos huet 66.957 Awunner (Stand: 2010) op enger Fläch vun 20,17 km². Dat entsprécht 3.320 Awunner pro km². Déi an dräi Deeler ënnerdeelte Gemeng ass deemno dicht besidelt. Déi offiziell Sprooch ass Spuenesch (Kastilesch).

Geographie

Geographesch Lag

Torremolinos läit eppes 563 Kilometer vun der spuenescher Haaptstad Madrid ewech, un der Südküst vun der ibeerescher Hallefinsel.

12 Kilometer südwestlech vu Málaga un der Costa del Sol verleeft d'Stad tëscht den Ausleefer vun der Sierra de Mijas (Sierra Llana) an der südëstlecher Küst, am westlechen Deel vun der Bucht vu Málaga. Op enger Distanz vu 6 Kilometer, tëscht Málaga an Torremolinos, läit den Airport Málaga. Nopeschgemenge sinn am Südweste Benalmádena, am Nordwesten Alhaurín de la Torre an am Norden d'Provënzhaaptstad Málaga. D'Héicht bedréit am Schnëtt 49 Meter iwwer dem Mieresspigel.

Stadopdeelung

D'Stad Torremolinos besteet aus follgenden Deeler:

• El Bajondillo
• El Calvario
• La Carihuela

Klima

D'Klima zu Torremolinos entsprécht deem vun der ganzer Costa del Sol, also dem Mëttelmierklima. D'Duerchschnëttstemperatur bedréit 17,8 Grad Celsius bei 2.800 Sonnestonnen am Joer.

Fotosalbum

• 
  Panorama vun der Stad
• 
  De Strand
• 
  De Strand 2
• 
  La Carihuela
• 
  Sonnenënnergank
• 
  Plaz San Miguel
• 
  Nobau vun der Santissima Trinidad, engem historesche Seegelschëff

Um Spaweck

Commons: Torremolinos – Biller, Videoen oder Audiodateien

• Offiziell Säit vun der Stad Torremolinos
• Plage vun der Stad (Spuenesch)