Santa Maria (Marskrater)

Santa Maria ass en Impaktkrater um Planéit Mars a läit um Meridiani Planum am MC-19 Margaritifer Sinus-Gradfeld. Hie läit am Nord-Westeck vum groussen Endeavour Krater an huet en Duerchmiesser vu ronn 80–90 Meter. Genannt ass de Krater no der Santa Maria, dem Flaggschëff vum Christoph Kolumbus bei senger Entdeckungsrees am Joer 1492.

Santa Maria (Marskrater)
De Santa Maria Krater. Foto opgeholl mat der HiRise-Kamera aus dem Orbit
Eegenschaften
Regioun	Meridiani Planum
Koordinaten	02° 10' 19" N, 05° 26' 42" O
Duerchmiesser	80 - 90 Meter
Entdecker	Opportunity
Genannt no der	Santa Maria, dem Flaggschëff vum Christoph Kolumbus

Fuerschung änneren

De Rover Opportunity hat de Krater de 15. Dezember 2010 erreecht.^[1] De Rover gouf op de südëstleche Kraterrand gesteiert an do hat hien en ettlech Biller opgeholl a gouf uschléissend op eng Sonne-Konjunktioun virbereet. Déi lescht Kommunikatioun virun der Konjunktioun war den 3. Februar 2011.^[2] Eng Woch méi spéit gouf d'Verbindung mam Rover nees hiergestallt an der Rover konnt mat senge Feldstudien, op de Fielse "Luis de Torres" an "Ruiz Garcia" nees weiderfueren. De Rover huet de Krater den 22. Mäerz 2011 an ëstlecher Richtung op den Endeavour Krater verlooss.