Sambre

D'Sambre ass e franséisch-belsche Floss dee seng Quell am Bësch mam Numm La Haie Equiverlesse um Territoire vun der Gemeng Fontenelle, no bei Nouvion-en-Thiérache, um Platto vu Saint-Quentin huet, an no 194 km zu Namouer an d'Meuse leeft. Se huet en Anzuchsgebitt vu 1.703 km² dovun 1.250 a Frankräich. Op hirem Laf leeft se duerch 46 Gemengen. Hire mëttleren Debit läit bei 12 m³/s, den niddregste bei 2,5 an den héchste bei 46,5.

Sambre

D'Sambre zu Merbes-le-Château
Längt	194 km
Debit	12
Hydrographesche Baseng	Meuse
Fläch vum Baseng	2.740 km²
Originn
Originn	Quell
Plaz	La Haie Equiverlesse Fontenelle
Héicht	216 m
Koordinaten	50° 01’ 49.80’’ N       03° 50’ 27.60’’ O
Konfluenz
Leeft an	d'Meuse
Plaz	Grognon Namur
Héicht	78 m
Haaptnieweflëss	Piéton, Orneau, Hantes, Eau d'Heure
Geographie
Land	Frankräich Belsch

D'Sambre ënner der Bréck vu Soye.

D'Sambre zu Charleroi vun der Baudouinsbréck aus gesinn

D'Sambre an hirem ale Bett zu Charleroi

Am Ufank vun hirem Laf bis op La Fontaine des Pauvres heescht se Ruisseau de France. Se leeft vun der Quell aus, am Ufank no Westen, bis se op de Scheetbaseng vum Kanal Sambre-Oise stéisst. Do dréint de Norden a leeft paralell mat deem Kanal bis op Landrecies. Vun do un ass se kanaliséiert, am Ufank am Freycinet-Gabarit oder och Europäesch Gabarit-Klass 1 bis op Landelies, an duerno bis op Namouer am Gabarit fir Schëffer bis 1350 Tonnen Europäesch Gabarit-Klass 4.

Virun der Kanaliséierung

Éier d'Sambre kanaliséiert war, war et e klenge Floss mat ville Meanderen, engem onreegelméissege Bett, an onstabillen Uwänneren. Deelweis kann een déi Meanderen haut nach riets a lénks vum Kanal gesinn. Et gouf vill Inselen, vereenzelt Fielsen a Sandbänken. Se huet ganz staark dem hydrographesche Bild vun der Lesse geglach. Se war deemno bis an den Ufank vum 19. Joerhonnert nëmme begrenzt schëffbar. Et gouf allerdéngs vill un hirem Laf geschafft. Lokal Hären hunn Däicher a Kanäl gebaut déi awer haaptsächlech geduecht ware fir de Mille laanscht dem Floss reegelméisseg Waasser ze liwweren.

Kanalisatioun

D'Sambre war den éischte Floss an der Belsch dee komplett kanaliséiert war. D'Aarbechte waren den 22. Oktober 1829 komplett ofgeschloss. D'Sambre gouf haaptsächlech kanaliséiert fir der industrieller Entwécklung, hirem Materialbedarf souwéi der Expeditioun vun hire Produktiounsgidder an hirem Dall Rechnung ze droen, an dofir de Schëffstransport mat méi grousse Schëffer z'erméiglechen. Charleroi war amgaang sech zur Haaptstad vum sougenannte Schwaarze Land z'entwéckelen. Trotzdeem war d'Sambre am Ufank vum 20. Joerhonnert eng Schëffstrooss mat villen Nodeeler, besonnesch wéinst den heefegen Iwwerschwemmungen, se huet vill drënner gelidde well d'Decisioune fir Ännerungen ëmmer an d'Längt gezu goufen.

Déi kanaliséiert Sambre huet hiren Ufank zu Landrecies wou s'Uschloss un de Sambre-Oise-Kanal huet, an zu Namouer huet se Uschloss un d'Haute-Meuse.

Zu Charleroi war den natierleche Laf vum Floss e Problem fir d'Schëfffaart. Dofir gouf 1829 eng Derivatioun ugeluecht an dat Stéck Kanal ass du südlech laanscht Charleroi gelaf. Dat natierlecht Bett blouf bis 1928 bestoen. Ënner der Impulsioun vum deemolge Buergermeeschter Joseph Tirou huet de Gemengerot decidéiert Charleroi ze moderniséieren. Domat goung e groussen Deel vum pittoresken Deel vu Charleroi verluer. Wann et och nach wäit dervun ewech ass fir dat aalt Bett nees hierzestellen z. B. den Deel wou haut de Boulevard Tirou driwwer leeft, sou huet d'Stad et mam Projet Phénix fäerdegbruecht fir d'Bevëlkerung rëm méi no bei d'Waasser ze bréngen, doduerch datt d'Quaië laanscht d'Sambre méi déif geluecht goufen, wat mat sech bruecht huet datt vill Leit lo do spadséiere ginn.

Waasseralimentatioun

Am Fall vun engem niddregen Debit war d'Schëfffaart blockéiert, an dat ëm sou méi, wéi no der Vergréisserung vun de Schleisen um Kanal Bréissel-Charleroi vill méi Waasser huet missen aus der Sambre ofgezaapt ginn, fir eropgepompelt ze ginn. Déi eenzeg besser Baache flossop vu Charleroi déi do hätte kënne genuch Waasser liwwere fir eng Reserv unzeleeën, wieren d'Helpe majeure an d'Helpe mineure gewiescht. Et goufe Gespréicher mat de Fransouse gefouert mä déi hunn zu näischt gefouert, an dat engersäits well sou e Reservoir relativ wäit ewech gewiescht wier an aneresäits well et Komplikatioune mat der Gestioun an engem frieme Land hätte kënne ginn, souguer wann et Frënn sinn. D'Fransousen hunn du fir hiren eegene Gebrauch e klenge Barrage vu 4,5 Mio m³ gebaut.

An der Belsch ware just déi riets Nieweflëss intressant genuch fir e Reservoir ze fidderen. Do huet et sech séier erwisen dat déi meescht Flossdäller net genuch Späichercapicitéit ze bidden haten: knapps 7 mio. m³ op der Thure, 10 mio op der Hante an iwwerhaapt keng op der Biesmelle. Du blouf nach just den Dall vun der Eau d'Heure, awer am intressantsten Deel vum Dall louchen Dierfer an d'Eisebunnsstreck Charleroi - Treignes (Linn 132) ass derduerch gelaf. Mat der Optioun fir d'Eisebunnsstreck ze verleeën, hätt kënnen e Reservoir vu 25 mio m³ tëscht Silenrieux a Cerfontaine realiséiert ginn. An deem Sënn gouf de Projet vum Waassereservoir op der Eau d'Heure ulafe gelooss, deen zanter 1981 de Mindestwaasserstand op der Sambre an doriwwer eraus och dee vun der Meuse mathëlleft garantéieren.

Schleisen a Brécken

An de 60er Jore gouf d'Sambre deelweis an der Belsch normaliséiert, d.h. op d'Dimensioune vum 1.500 Tonne-Gabarit ausgebaut. Vun den Ufanks 22 Schleise sinn der nach 17 Rescht bliwwen. D'Normalisatioun gouf op deem Deel gemaach dee sech Basse-Sambre nennt, tëscht Landelies an Namouer. Déi fréier Schleise stinn ouni Numero an der Tabell.

N°	Numm	Dimensiounen (Schëffsklass)	Koordinaten	km.	Chute (m)	Fotoen
01	FRA Étoquies	Gabarit Freycinet (CEMT 1)	50° 08’ 24.01’’ N 03° 43’ 08.46’’ O	03.40
02	FRA Hachette + Pompelstatioun	Gabarit Freycinet (CEMT 1)	50° 09’ 17.10’’ N 03° 45’ 40.24’’ O	07,70
03	FRA Sassegnies	Gabarit Freycinet (CEMT 1)	50° 10’ 20.62’’ N 03° 47’ 11.12’’ O	11,10
04	FRA Berlaimont	Gabarit Freycinet (CEMT 1)	50° 16’ 35.09’’ N 03° 58’ 23.59’’ O	18,22
05	FRA Pont-sur-Sambre	Gabarit Freycinet (CEMT 1)	50° 13’ 06.06’’ N 03° 50’ 48.54’’ O	21,70
06	FRA Quartes	Gabarit Freycinet (CEMT 1)	50° 13’ 43.67’’ N 03° 51’ 01.71’’ O	26,20
07	FRA Hautmont	Gabarit Freycinet (CEMT 1)	50° 15’ 05.64’’ N 03° 55’ 04.21’’ O	35,40
08	FRA Maubeuge	Gabarit Freycinet (CEMT 1)	50° 16’ 35.09’’ N 03° 58’ 23.59’’ O	41,20
09	FRA Marpent	Gabarit Freycinet (CEMT 1)	50° 22’ 16.17’’ N 04° 18’ 58.23’’ O	51,80
01	BEL Solre-sur-Sambre	Gabarit Freycinet 41,22 m × 5,17 m (CEMT 1)	50° 22’ 16.17’’ N 04° 18’ 58.23’’ O	2,90	1,23
02	BEL La Buissière	Gabarit Freycinet 41,22 m × 5,17 m (CEMT 1)	50° 22’ 16.17’’ N 04° 18’ 58.23’’ O	7,60	2,23
03	BEL Fontaine-Valmont	Gabarit Freycinet 41,22 m × 5,17 m (CEMT 1)	50° 22’ 16.17’’ N 04° 18’ 58.23’’ O	11,80
04	BEL Lobbes	Gabarit Freycinet 41,22 m × 5,17 m (CEMT 1)	50° 20’ 38.60’’ N 04° 16’ 21.91’’ O	17,60	1,50
05	BEL Thuin	Gabarit Freycinet 40,94 m × 5,15 m (CEMT 1)	50° 20’ 37.06’’ N 04° 17’ 37.81’’ O	19,90	1,52
06	BEL Grand-Courant	Gabarit Freycinet 40,94 m × 5,15 m (CEMT 1)	50° 20’ 59.17’’ N 04° 18’ 30.72’’ O	22,37
07	BEL Trou d'Aulne	Gabarit Freycinet 40,94 m × 5,15 m (CEMT 1)	50° 22’ 16.17’’ N 04° 18’ 58.23’’ O	26,03
08	BEL Abbaye d'Aulne + Hiefbréck	Gabarit Freycinet 40,94 m × 5,15 m (CEMT 1)	50° 22’ 02.18’’ N 04° 20’ 06.98’’ O	27,90	1,94
09	BEL Landelies + Hiefbréck	Gabarit Freycinet 40,94 m × 5,15 m (CEMT 1)	50° 22’ 44.50’’ N 04° 21’ 22.04’’ O	30,50	2.20
-	BEL Jambe de bois	Al N°10 gouf vun der Schleis Monceau op praktesch der selwechter Plaz ersat
10	BEL Montceau	113,50 m × 12.50 m (CEMT 4)	50° 23’ 37.94’’ N 04° 22’ 47.38’’ O	34,20	4,80
-	BEL Charleroi	Al N°11 gouf vun der Schleis Marcinelle ersat
11	BEL Marcinelle	119,40 m × 12,5 m (CEMT 4)	50° 24’ 29.50’’ N 04° 25’ 48.56’’ O	38,30	3,00
12	BEL Montignies	112,00 m × 12,5 m (CEMT 4)	50° 23’ 49.67’’ N 04° 29’ 38.36’’ O
-	BEL Châtelineau	Al N° 13 (ewechgerappt)	50° 24’ 23.80’’ N 04° 31’ 06.16’’ O
-	BEL Farciennes	ewechgerappt
-	BEL Moignelée	zougetippt wéi eng Partie vum ale Kanal
-	BEL Grogneaux	ewechgerappt
13	BEL Roselies	111,90 m × 12,5 m (CEMT 4)	50° 25’ 39.51’’ N 04° 33’ 35.73’’ O	50,50	3,60
14	BEL Auvelais	136,30 m × 12,5 m (CEMT 4)	50° 27’ 13.33’’ N 04° 37’ 38.79’’ O	61,80	2,70
15	BEL Mornimont	111,90 m × 12,5 m (CEMT 4)	50° 26’ 39.49’’ N 04° 42’ 25.84’’ O	70,10	4,70
16	BEL Floriffoux	111,90 m × 12,5 m (CEMT 4)	50° 26’ 47.52’’ N 04° 46’ 35.80’’ O	77,70	3,90
17	BEL Salzinnes	136,00 m × 12,5 m (CEMT 4)	50° 28’ 11.60’’ N 04° 50’ 48.72’’ O	85,45	1,75

Um Spaweck

Commons: Sambre – Biller, Videoen oder Audiodateien

Commons: Schleisen op der Sambre – Biller, Videoen oder Audiodateien