Rettel

Rettel ass eng franséisch Uertschaft a Gemeng am Departement Moselle.

Rettel
Land	Frankräich
Regioun	Grand Est
Departement	Moselle
Arrondissement	Diddenuewen
Kanton	Bouzonville
Koordinaten	49° 26’ 37’’ N       06° 19’ 43’’ O
Fläch	689 ha
Bevëlkerung	684 (1999)

D'Uertschaft läit um rietse Museluwänner an engem grousse Meander sou datt s'am Norden, Osten a Weste ganz vum Floss ëmginn ass. D'Heicht bei der Musel ass 145 Meter an déi héchst Plaz ass an de Bëschkoppen am Nordosten op der Grenz mat der Gemeng Kerling op 315 Meter.

Si huet iwwer e puer Stroossen Uschloss un de Verkéier, déi selwer all mat der Nationale 153 vebonne sinn an iwwer d'Departementale D61 déi iwwer d'Muselbréck op Contz féiert. D'Uertschaft gëtt vun der Eisebunnsstreck Tréier -Metz praktesch an der Mëtt gespléckt.

Nopeschgemengen

• Haute-Kontz
• Berg-sur-Moselle
• Contz-les-Bains
• Sierck-les-Bains
• Kerling-lès-Sierck

Kuckeswäertes

• D'Kierch St. Laurent
• D' Maison de la Dime
• De loutrengeschen Eisebunneschmusée
• D'Reschter vum Kartaiserklouschter Hl. Sixtus II.
• De Pällembësch bei Rettel

Kuckt och

• Departement Moselle
• Arrondissementer am Departement Moselle
• Kantonen am Departement Moselle
• Lëscht vun de Gemengen am Departement Moselle

• Lëscht vun den Uertschafte bei der Musel

Um Spaweck

• (fr) Websäit iwwer Rettel