Pioneer P-3
D'Pioneer P-3 war déi zweet vun enger geplangter Serie vu véier Moundsonde vun der US-amerikanescher Weltraumorganisatioun NASA am Kader vum Pioneer-Programm. Si hätt sollen an en héijen Orbit ëm den Äerdmoundaschwenken a Fotoe vun der Uewerfläch maachen, a weider Experimenter duerchféieren. Nëmme 45 Sekonne nom Start hat sech d'Notzlaaschtverkleedung geléist, wat zu enger onstabiler Fluchbunn vun der Rakéit a schliisslech zum totale Verloscht gefouert hat. Well d'Missioun, wéi och déi dräi aner Missiounen, e Feelschlag war, krut si aus Grënn vum Secret keng Nummer, mä nëmmen e Buschtaf.
| Pioneer-P-Sond | |
|---|---|
 | |
| Typ | Moundsond |
| Land | USA |
| Agentur | NASA |
| Start | 28. November 1958, 06:26 UTC |
| Startplaz | Cape Canaveral AFS Launch Complex 17 |
| Drorakéit | Atlas-Able |
| Status | 28. November 1958 totale Verloscht duerch onstabil Fluchbunn |
Opbau änneren
D'Pioneer P-3 hat eng kugelfërmeg Gestalt mat engem Duerchmiesser vun 1 Meter. Nom Ausfuere vun de Solarpanéilen hätt si eng Spanwäit vun 2,7 Meter gehat. An der Sond waren en ettlech Moossinstrumenter, dorënner e Mikrometeorittendetekter, e Geiger-Müller-Zielrouer, e Proportiounalzieler, e Sonnendetekter an eng Ionisatiounskummer. Fir d'thermesch Reguléierung vun der Pioneer P-3 sollten 52 kleng Propellerschaute bäidroen. Déi hätte sech bei ze niddreger Temperatur vun der Sond opgemaach fir duerch d'Sonneliicht d'Temperatur vun der Sond z'erheijen. Bei ze héijer Temperatur hätte se sech nees zougemaach.
Missioun änneren
Geplangt war, datt d'Sond nom Erreeche vum Mound duerch d'Bremsrakéite gestoppt sollt ginn, fir dann an e Moundorbit anzetrieden. D'Missioun war en totale Feelschlag.
Kuckt och änneren
Um Spaweck änneren
| Commons: Pioneer (Raumsonde-Programm) – Biller, Videoen oder Audiodateien |
- (en) Pioneer P-3 auf Nasa.gov
- Bernd Leitenberger: D'Atlas Able (Pioneer P) Raumsonden