National Radio Astronomy Observatory
Den National Radio Astronomy Observatory (NRAO) ass eng staatlech amerikanesch Fuerschungsorganisatioun fir Radioastronomie. Den NRAO entwërft, baut a bedreift Radioteleskopen op verschiddene Plazen, haaptsächlech an den USA:
- D'Haaptquartéier ass zu Charlottesville am US-Bundesstaat Virginia um Terrain vun der University of Virginia. Do ass och de vum NRAO bedriwwenen nordamerikaneschen Zentrum fir d'wëssenschaftlech Ausnotze vum Atacama Large Millimeter Array (ALMA) an en Technologiezentrum.
- Green-Bank-Observatoire. D'Ëmgéigend vun vum Observatoire a West Virginia ass zur „nationaler radioroueger Zon“ vun den USA erkläert ginn, an där versicht gëtt, kënschtlech Radioemissiounen, déi stéeiren, kleng ze halen. Am Green-Bank-Observatoire gëtt et en ettlech grouss eenzel Radioteleskopen.
- Socorro (New Mexico). Vum Array Operations Center AOC zu Soccoro aus ginn de Very Large Array an de Very Long Baseline Array bedriwwen.
- Tucson (Arizona) um Terrain vun der University of Arizona. Den NRAO huet vun do aus e Millimeterwelle-Radioteleskop mat 12 m Antennenduerchmiesser um Kitt-Peak-Observatoire bedriwwen. Fir Finanzmëttele ze kréien, fir den ALMA kënnen ze bedreiwen, gouf d'Teleskop an der Tëschenzäit der University of Arizona zur Verfügung gestallt.
- Santiago de Chile. Den NRAO ass beim Europäesche Südobservatoire a beim kanadeschen National Research Council um Atacama Large Millimeter Array bedeelegt, denn am Norde vum Chile opgebaut gëtt.
Um Spaweck änneren
- (en) NRAO Homepage
