Middelburg

Middelburg ass eng Stad a Gemeng am Südweste vun Holland, an Haaptstad vun der Provënz Zeeland. Et läit op der Hallefinsel Walcheren.

Middelburg
Land	Holland
Awunner	49.956 (1. Januar 2023)
Fläch	53,05 km²
Koordinaten	51°29'59"N, 3°36'49"O
Telefonszon	0118
Postcode	4330–4338
Websäit	https://www.middelburg.nl/

D'Gemeng huet ronn 50.000 Awunner, d'Stad ronn 43.000 Awunner (2023).

Geographie

Wichtegst Uertschaften an der Gemeng

• Arnemuiden - Kleverskerke - Middelburg - Nieuw- en Sint Joosland - Sint Laurens

Nopeschgemengen

	Veere		Noord-Beveland
		N
		W    Middelburg    O
		S
		Vlissingen	Borsele

Geschicht vu Middelburg

Middleburg gouf am 8. oder 9. Joerhonnert gegrënnt, fir de Wikingerinvasiounen de Bass ze halen. 844 gouf do eng Abtei gebaut, déi bis zum Achtzegjärege Krich bestoung. Haut ginn d'Gebaier als Musée an als Sëtz vun der Provënzregierung benotzt. 1217 huet Middelburg Stadrechter kritt.

D'Stad war e wichtegen Handelszentrum. Am Mëttelalter huet s'eng wichteg Roll am Handel tëscht Flandern an England gespillt. Méi spéit, am 17. Joerhonnert (dem Hollännesche Gëllenen Zäitalter), gouf et eng wichteg Handelsstad fir d'Hollännesch Ostindiengesellschaft. Honnertdausende vun Afrikanesche Sklave goufe vu Middelburg an Amerika transportéiert.

De 17. Mee 1940 huet déi däitsch Luftwaffe e groussen Deel vun der Stad futtigebommt.

Kuckeswäertes

Eng Rëtsch stengen Haiser a Lagerhale laanscht de Kanal aus dem 17. Joerhonnert sinn erhale bliwwen. Och d'Festungsgrief aus dem 18. Joerhonnert ronderëm de mëttelalterleche Stadkär sinn nach ze gesinn. Eenzeg erhale Stadpaart ass d'Koepoort ("Koupaart").

Jumelagen

• Vilvoorde, Belsch
• Nagasaki, Japan
• Glogow, Polen
• Simeria, Rumänien
• Teius, Rumänien

Um Spaweck

Commons: Middelburg – Biller, Videoen oder Audiodateien

• Gemeng Middelburg
• Statistik vun der Gemeng Middelburg