Loftlandetrupp

Loftlandetruppen ((fr):troupes aéroportées; (en): airborne forces) sinn am Allgemengen Unitéite vun der Landarméi, meeschtens Infanteriestruppen déi mat Fligeren oder Helikopteren an e Kampfgebitt bruecht ginn.

Amerikanesche Parachutiste-Badge

Parachutiste beim Training

Se ginn och nach dacks einfach Falschiermjeeër oder Parastruppe genannt.

Am Zweete Weltkrich goufe Laaschtesegleren, besonnesch beim Debarquement an der Normandie agesat, wat et erméiglecht huet fir heemlech ze landen, a schwéiert Material wéi Jeepen oder liicht gepanzert Gefierer hanner de feindleche Linnen ofzesetzen.

Déi bekanntst Loftlanndetruppen am Zweete Weltkrich waren:

Englesch Truppen:

• 1. Loftlandedivisioun
• 6. Loftlandedivisioun

Amerikanesch Truppen:

• 011. US-Loftlandedivisioun
• 013. US-Loftlandedivisioun
• 017. US-Loftlandedivisioun
• 082. US-Loftlandedivisioun
• 101. US-Loftlandedivisioun

Vun 1944 un waren déi brittesch Divisiounen am 1. Airborne Corps ënner dem Generol Frederick Browning regruppéiert, an déi 17., 82., an 101. US-Divisiounen am Kader vum ETO, am XVIII. Airborne Corps ënner dem Generol Matthew Ridgway.

Déi zwéi Corpse hunn zur First Allied Airborne Army gehéiert ënner dem Kommando vum US-Generol Lewis Brereton.