Lisieux

Lisieux ass eng Stad an der franséischer Regioun Normandie am Departement Calvados mat 21.826 Awunner. Si läit 86 km südwestlech vu Rouen an 30 km südlech vun Deauville um Äermelkanal. D'Stad ass de Sëtz vun der Ënnerprefecture vum Arrondissement Lisieux, deen aus 13 Kantone besteet. D'Stad selwer ass op dräi Kantone verdeelt.

Lisieux
Land	Frankräich
Regioun	Normandie
Departement	Calvados
Arrondissement	Lisieux
Kanton	Lisieux
Postcode	14100
Gemengecode	14366
Koordinaten	49° 08’ 47’’ N       00° 13’ 36’’ O
Fläch	13,07 ha
Bevëlkerung	21.826 (2009)

D'Kathedral St. Pierre zu Lisieux

Lisieux läit un dem klenge Floss Touques an ass als Sëtz vun engem Karmel eng Pilgeruertschaft ginn, déi all Joer Dausende vu Pilger unzitt. Dat verdankt se der Helleger Theresia vum Jesuskand (Sainte Thérèse de l'Enfant Jésu). No hirem Doud am Joer 1897 huet sech hir Veréierung an engem ongewéinlech séieren Tempo verbreet. 1923 gouf se séileg a schonn zwee Joer duerno helleggesprach. Hir ass déi tëscht 1929 an 1937 gebauten neiromanesch Basilika gewidmet.

Zur Réimerzäit huet Lisieux Noviomagus Lexoviorum geheescht.

Kuckeswäertes

• Kathedral Saint-Pierre vu Lisieux (gothesch)
• Basilika Sainte-Thérèse vu Lisieux (romano-byzantinesche Stil vum 20. Joerhonnert)
• De Carmel a besonnesch d'Kapell vum Carmel-Klouschter
• Les Buissonnets, Déi fréier Proprietéit vum M. Martin, dem Papp vun der Helleger Theresia (wou si virum Antrëtt an d'Klouschter gelieft huet)

Fotoalbum vu Lisieux

• 
  Statu vun der Helleger Theresa virun der Kapell vum Carmel
• 
  Schräin mat de Reliquie vun der Helleger Theresa an der Kapell vum Carmel
• 
  Basilika vu Lisieux
• 
  D'Basilika Ste Thérèse
• 
  D'Kapell vum Carmel vu Lisieux
• 
  Modell vum Carmel vu Lisieux

Um Spaweck

Commons: Lisieux – Biller, Videoen oder Audiodateien

• Offiziell Säit vun der Stad Lisieux
• Offiziell Säit vum Schräin vun der Helleger Theresia]
• Säit iwwer Lisieux am Krich an d'Bombardementer vun 1944 (fr)