Lambert Piedboeuf

De Lambert Joseph Piedboeuf, gebuer den 3. Februar 1863 zu Oochen, a gestuerwen den 29. November 1950 zu Bad Reichenhall, war en däitsche Sculpteur, dee bal nëmme reliéis Sujeten realiséiert huet.

Lambert Piedboeuf
Gebuer	3. Februar 1863 Oochen
Gestuerwen	1950
Nationalitéit	Däitschland
Aktivitéit	Sculpteur

Liewen

De Lambert Piedboeuf, Bouf vum Polsterer Hippolyt Piedboeuf a senger Fra Carolina Elisabeth Linden, war Schüler vum Oochener Sculpteur Gottfried Götting (1830–1879), huet dono ee Joer bei der Kölner Dombauhütte geschafft a war da Stagiaire beim Oochener Sculpteur Johann Lorenz Opree (1846–1900). Ëm 1887 huet hie sech selbstänneg gemaach. Doriwwer eraus huet hien op der Kunstgewerbeschule Aachen enseignéiert.

A senger Fräizäit war hie Member vum Veräin Öcher Platt e. V. an huet sech och soss fir deen Dialekt agesat. A senger

Wierker

Kalvariebierg (1895), St. Nikolaus, Oochen

Graf Mehmel Brandt, Hamburg-Ohlsdorf

• Oochen: Kalvariebierg, Kierch St. Nikolaus; eng Pietà, Kierch St. Elisabeth; Madonna mam Kand a Christusfigur an der Herz-Jesu-Kirche, Grafmonumenter fir d'Paschtéier vu St. Paul an d'Famill Heinen am Oochener Campo Santo um Westfriedhof II: Skulpturen an der Heilig-Kreuz-Kirche an aacht Statue vun däitsche Keeseren op der Fassad vum Oochener Stadhaus-
• Alsdorf: Mariesail, 1905
• Moresnet-Chapelle: Dräi Figure fir d'Kräizegungszeen um Kalvariebierg
• Simpelveld, Statu vum Hl. Alfons vu Ligouri am Generalmutterhaus vun de Schwëstern vum aarme Kand Jesus
• St. Wendel, Héichaltor an der Wendalinusbasilika, 1896
• Würselen, Pietà an der St.-Sebastian-Kierch, 1927
• Euchen (Würselen), Häerzjesufigur, Relief fir Griewer vu Paschtéier a Relieffer fir en Altor an der Kierch St. Willibrord, 1916

Weider Wierker sinn zu Mönchengladbach (Krichsmonument 1870/71), Kempen a Viersen, ma och zu San Antonio, Texas (1930). Seng Grafskulpturen sinn uechter ganz Däitschland ze fannen.

zu Lëtzebuerg

• Klierf: Altär, Pietà, Kräizegungsstatiounen a Priedegtstull fir d'Parkierch St. Cosmas an Damian (1910 bis 1912)
• Iechternach: Statuen op der Fassad vum Dënzelt, 1896.

• 
  Priedegtstull Kierch Kliertf
• 
  Kräizwee Kierch Klierf
• 
  Dafsteen Kierch Klierf
• 
  Pietà Kierch Kllierf
• 
  Stäerkt um Dënzelt
• 
  Kinnek Salomon um Dënzelt

Um Spaweck

Commons: Lambert Piedboeuf – Biller, Videoen oder Audiodateien

• Dem Piedboeuf seng Wierker zu Oochen
• Statuen um Dënzelt