Krautmaart
De Krautmaart (offiziell: rue du Marché-aux-Herbes) an der Stad Lëtzebuerg ass eng Plaz, oder éischter eng Strooss, déi am Nordwesten als Verlängerung vun der Groussgaass, op der Kräizung mat der Schigrisgaass (rue du Nord) an der Rue Wiltheim ufänkt an op hirem südlechen Enn iwwer d'Kräizung mat der Waassergaass ewech, an d'Hossegässel (rue du Saint-Esprit) iwwergeet.
 | |
| Numm |
lb: Krautmaart fr: Rue du Marché-aux-Herbes |
|---|---|
| Fréieren Numm |
lb: Neie Maart fr: Rue du Gouvernement, Rue de de la Trinité de: Krautmarkt (verschidden Deeler, bis 1925)[1] |
| Längt | ca.210 m |
| Land | Lëtzebuerg |
| Gemeng | Lëtzebuerg |
| Uertschaft | Lëtzebuerg |
| Quartier | Uewerstad |
| Postcode | 1728 |
| Koordinaten |
49° 36’ 39.4’’ N 06° 07’ 56.8’’ O |
| Genannt no | Kichekraut, Maart |
 | |
Ënner der däitscher Besatzung (1940 - 1944) huet d'Strooss „Krautmarkt” geheescht[2].
Gebaier änneren
Déi bekanntst Gebaier um Krautmaart sinn de Groussherzogleche Palais an d'Chambersgebai. Och dat eelst Wunnhaus aus der Stad, d'Haus Höcklin von Steinach, steet do vis-à-vis. De Conrotseck, op Nummer 1-3, ass 1989 an den Zousazinventaire vun de klasséiertre Monumenter agedroe ginn. Bis 1779 stoung um Krautmaart, do, wou haut d'Chambersgebai ass, d'Nikloskierch.
-
De Krautmaart vun der Waassergaass aus -
-
-
-
-
Ausgruewungen Nikloskierch vu Lëtzebuerg
Den Numm änneren
Den Numm "Krautmaart" kënnt dohier, well d'Leit aus der Ëmgéigend do Kraider a soss Geméis verkaaft hunn. E gouf ufanks Neie Maart genannt, fir e vum Ale Maart, dem haitege Fëschmaaart, z'ënnerscheeden.
"Um Krautmaart" gëtt metonymesch dacks fir d'Chamber, dat Lëtzebuerger Parlament, gebraucht.
Um Spaweck änneren
| Commons: Krautmaart – Biller, Videoen oder Audiodateien |
Referenzen an Notten änneren
- ↑ „Neubenennung von Strassen der Stadt Luxemburg“ am Luxemburger Wort, Nummer 155, 4. Juni 1925, S. 11
- ↑ Guy May, 2002. Die Straßennamen der Stadt Luxemburg unter deutscher Besatzung (1940-1944). Ons stad 71: 30-32.