Kapp

De Kapp ass de viischten (oder ieweschten) Deel vum Kierper vum Mënsch a vun den Déieren. Am Kapp fënnt een eng Rei liewenswichteg Organer, dorënner d'Sënnesorganer. Beim Mënsch zielen zum Kapp de Schiedel, d'Gesiicht an den Hals.

De Kapp vun engem Flamingo.

De Schiedel schützt dat empfindlecht Gehier a besteet aus enger Rei verschiddene Schanken. Si sinn duerch fest Néit matenee verbonnen, déi am Laf vun der Entwécklung an dem Wuesstem vum Mënsch verschmëlzen.

D'Gehier, dat am Schiedel läit, ass dat zentraalt Steierungsorgan vum Kierper. Et kontrolléiert all kierperlech a geeschteg Funktiounen.

D'Gesiicht läit vir um Kapp. Zum Gesiicht zielen d'Sënnesorganer, déi d'Kommunikatioun mat der Ëmwelt erméiglechen. D'Aen, d'Nues an de Mond sinn zentral Elementer am Gesiicht vum Mënsch. Den Zweck vun den Aen ass déi visuell Perceptioun, dee vun der Nues de Gerochssënn, an de Mond erméiglecht net nëmmen d'Ophuele vun Narung, mee och déi verbal Kommunikatioun.

Den Hals verbënnt de Kapp mam Torso. Am Hals sinn Deeler vun den Otem- an de Verdauungsweeër ze fannen. D'Halswirbelsail bitt Flexibilitéit an Ënnerstëtzung fir de Kapp. D'Bluttgefäässer an d'Nerven am Hals erméiglechen den Austausch vu Blutt an Informatiounen tëschent Kapp a Kierper.

D'Diversitéit vun de Strukturen am Kapp erméigleche vill verschidde Funktiounen, vun de grondleeënde physiologesche Prozesser bis zu komplexe kognitiven Aktivitéiten.

Um Spaweck

Commons: Käpp – Biller, Videoen oder Audiodateien