Grand Prismatic Spring
Grand Prismatic Spring ass den Numm vun der gréisster Thermalquell an den USA an der drëttgréisster op der Äerd.[1] Si ass am Weste vum Yellowstone-Nationalpark am Bundesstaat Wyoming.
De Baseng ass eng 75 m × 91 m grouss an ongeféier 49 m déif. All Minutt lafen an der Moyenne 2.000 Liter 71 °C waarmt Waasser aus der Quell.[2]
Den Numm vun der Quell bezitt sech op d'Faarwe vum Waasser am Baseng, déi, bal wéi bei engem Prisma, vu Blo iwwer Gréng, Giel bis hin zu Orange a Rout ginn. D'Faarwe komme vu Bakteerien an Algen am Biofilm laanscht de Bord vun der mineralräicher Thermalquell an hänken dovun of, wéi vill Chlorophyll a Carotinoiden dra sinn.[3]
Referenzen änneren
- ↑ Steam Explosions, Earthquakes, and Volcanic Eruptions—What's in Yellowstone's Future? U.S. Geological Survey.
- ↑ Grand Prismatic Spring. Geyser Observation and Study Association (GOSA).
- ↑ Thomas D. Brock: Colorful Yellowstone. Life at High Temperatures
Um Spaweck änneren
| Commons: Grand Prismatic Spring – Biller, Videoen oder Audiodateien |
