Eurovision Song Contest 1989


34. Eurovision Song Contest
Datum	6. Mee 1989
Stad	Lausanne (Schwäiz)
Gebai	Palais de Beaulieu
Gewënner	Riva (Jugoslawien)
Zuel vu Länner	22
Nei Participatiounen	Keng
Moderatioun	Jacques Deschenaux a Lolita Morena
Interval Act	Guy Tell mat Assistentin mat enger Wilhelm-Tell-Apel-Zirkus Nummer
Ofstëmmungsreegel	An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn.

De 34. Eurovision Song Contest war de 6. Mee 1989 an der Schwäiz. Organiséiert gouf d'Eurovisioun dat Joer am Palais de Beaulieu zu Lausanne. Presentateure waren de Jacques Deschenaux an d'Lolita Morena.

Am Ganzen hunn 22 Länner matgemaach. Malta a Monaco waren net dobäi.

D'Vertriederin vun Frankräich, d'Nathalie Pâque, war nëmmen 11 Joer al an ee vun de Vertrieder vun Israel, de Gili nëmmen 12 Joer, wat zu schlechter Publicitéit gefouert huet. Dowéinst ass vun den Organisateuren decidéiert ginn, datt an Zukunft de minimalen Alter vun engem Participant 16 Joer muss sinn.

D'Reegel fir d'Ofstëmmung ass d'selwecht bliwwe wéi déi Jore virdrun: An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Lausanne matgedeelt ginn.

Eng weider Reegel ass agefouert gi fir am Fall wou et op der éischter Plaz e Gläichstand géif ginn. An deem Fall sollt gekuckt ginn, wien am dacksten 12 Punkte kritt huet, a wann et do e Gläichstand géif ginn, wien am dacksten 10 Punkte kritt huet.

Déi éischt Plaz kruten d'Vertrieder vu Jugoslawien, d'Grupp Riva mat 7 Punkte Virsprong virun der Grupp Live Report (Groussbritannien). Déi drëtt Plaz krut d'Birthe Kjær, déi fir Dänemark ugetruede war.

Fir Jugoslawie war et déi éischt Kéier datt et de Grand Prix gewonnen hat.

Klassement änneren

Plaz	Land	Interpret	Titel	Punkten
1.	Jugoslawien	Riva	Rock Me	137
2.	Groussbritannien	Live Report	Why Do I Always Get It Wrong?	130
3.	Dänemark	Birthe Kjær	Vi maler byen rød	111
4.	Schweden	Tommy Nilsson	En dag	110
5.	Éisträich	Thomas Forstner	Nur ein Lied	97
6.	Spuenien	Nina	Nacida para amar	88
7.	Finnland	Anneli Saaristo	La dolce vita	76
8.	Frankräich	Nathalie Pâque	J’ai volé la vie	60
9.	Italien	Anna Oxa & Fausto Leal	Avrei voluto	56
9.	Griicheland	Mariana	To dhiko su asteri	56
11.	Zypern	Fani Polymeri a Yiannis Savvidakis	Apopse as vrethume	51
12.	Israel	Gili a Galit	Derech hamelech	50
13.	Schwäiz	Furbaz	Viver senza tei	47
14.	Däitschland	Nino de Angelo	Flieger	46
15.	Holland	Justine Pelmelay	Blijf zoals je bent	45
16.	Portugal	Da Vinci	Conquistador	39
17.	Norwegen	Britt Synnøve Johansen	Venners nærhet	30
18.	Irland	Kiev Connolly a The Missing Passengers	The Real Me	21
19.	Belsch	Ingeborg	Door de wind	13
20.	Lëtzebuerg	Park Café	Monsieur	8
21.	Tierkei	Pan	Bana bana	5
22.	Island	Daníel Ágúst Haraldsson	Það sem enginn sér	0

Um Spaweck änneren

Commons: Eurovision Song Contest 1989 – Biller, Videoen oder Audiodateien

Dublin (Irland)		Zagreb (Jugoslawien)
ESC 1988	Eurovision Song Contest	ESC 1990