Commonwealthgraf
Wikimedia-Lëschtenartikel
(Virugeleet vu(n) Commonwealth-Graf)
Als Commonwealthgraf ginn déi Kierfechter bezeechent op deenen Zaldoten aus de Länner vum Commonwealth begruewe leien.
Am Géigesaz zu den Amerikaner déi hir doudeg Zaldoten entweeder rapatriéiert, oder op amerikaneschen Zaldotekierfechter an Europa begruewen hunn, hunn d'Länner vum Commonwealth déi am Éischten an am Zweete Weltkrich bedeelegt waren, dacks decidéiert hir Zaldoten op de jeeweilege Gemengekierfechter ze loossen. Et handelt sech dobäi haaptsächlech ëm Fliegerbesatzungen déi iwwer Frankräich, der Belsch, oder Lëtzebuerg, erofgeschoss goufen, an entweeder vun den Däitschen, meeschtens awer vun der lokaler Bevëlkerung um Kierfecht vun der Uertschaft bäigesat goufen.
D'Kierfechter op deene sou Zaldote begruewe leien hu meeschtens op der Kierfechtsmauer zur Stroossesäit ee Schëld mat der Opschrëft Tombe de Guerre Commonwealth / Commonwealth War Grave.
Et gëtt awer och nach eng Parti Kierfechter vum Commonwealth op deenen nëmmen Zaldote begruewe sinn, wéi z. B. den Zaldotekierfecht vun Hotton.
Commonwealthgriewer zu Lëtzebuerg änneren
- Um Kierfecht zu Kierchen, de Pilot an zwéin Equipagemembere vum 218. Geschwader, déi mat hirem Fairey Battle den 11. Mee 1942 erofgeschoss goufen.
- Um Kierfecht zu Dikrech, Douglas Alexander Cameron, australesche Pilot vun der 226 Squdron RAF, erofgefall den 10. Mee 1940 mat sengem Fairey Battle (K9183) bei Wallendorf a gestuerwen zu Dikrech.
- Um ale Kierfecht vun Hëpperdang (nieft der Kierch), de kanadesche Pilot a säi britteschen Navigateur déi de 27. Mee 1944 beim Mosquito-Crash zu Hëpperdang ëm d'Liewe koumen.
- Um Hollerecher Kierfecht, 9 brittesch Zaldoten, dovu siwe vum Fligeraccident am Käercher Bësch.
- Um Kierfecht zu Mäertert, 2 brittesch Piloten déi mat hirem Mosquito den 2. September 1944 erofgefall sinn.
- Am Bësch tëscht der Maulesmillen a Boxer, d'Fligermonument a Griewer vun 2 brittesche Piloten, engem neiséilänneschen a vun 3 Membere vum belsche Geheimdéngscht, hiren Hudson-Bomber gouf den 21. Mäerz 1945 vu "friendly fire" erofgeschoss.
- Um Kierfecht vu Rammerech, 3 brittesch Piloten, ëmkomm beim Halifax-Bomber-Crash bei Rammerech.
- Um Kierfecht vu Rolleng/Péiteng, 3 brittesch Aviateuren déi beim Ofstuerz vun hirem Fairey Battle Mk.1 L5578 vun der 142 Schwadroun vun der RAF bei Péiteng ëm Liewe koumen.
Commonwealthgriewer an der Belsch änneren
- Um Kierfecht zu Arel, Pelouse d'honneur
- Um Aeroplane Cemetery bei Ipren
- Um Kierfecht vun Ambly bei Marche
- Um Kierfecht vun Angleur bei Léck (1 Graf)
- Um Kierfecht vu Bas-Oha (E Graf fir 7 Aviateuren)
- Um Bréisseler Kierfecht, 630 Griewer aus dem 1. an 2 Weltkrich
- Um Kierfecht vun Haute-Desnié (5 Griewer)
- Um Kierfecht vun Dranouter, deen deelweis als britteschen Zaldotekierfecht ugeluecht ass
- Um Kierfecht vu Florennes, 75 Griewer, dovu 6 Kanadier a e Schott, déi beim Halifax-Crash bei Awenne ëm d'Liewe koumen.
- Um Kierfecht vu Genk, d'Equipage vum Lancaster ME804-KM-O
- Um Kierfecht vun Hannêche, Sgt. Roy Harmsworth, Mitrailleur vum Halifax LK807-QO-J deen zu Hannêche erofgefall ass.
- Um Kierfecht vu Hasselt, (50 Griewer)
- Um Zaldotekiefecht vun Heverlee
- Um Zaldotekierfecht vun Hotton
- Um Kierfecht zu Libramont, 2 Griewer
- Um Kierfecht zu Linden
- Um Däitsch-britteschen Zaldotekierfecht Saint-Symphorien bei Mons
- Um Kierfecht vu Robertmont (46 Griewer)
- Um Kierfecht vu Soumagne (1 Graf)
- Um Kierfecht vu Sint-Martens-Voeren, 6 Griewer vun Aviateure vun der 149 Squad. (RAF)
- Um Kierfecht vun Terlanen
- Um Kierfecht vun Theux
- Um Kierfecht vun Tilff, 2 Griewer
- Um Kierfecht zu Warnant, Griewer vu 5 Kanadier
Commonwealthgriewer a Frankräich änneren
- Um Kierfecht vun Angles an der Vendée, 5 Griewer vun den Zaldoten déi beim Ofstuerz vum Halifax L.9527 de 24. Juli 1941 ëm d'Liewe koumen.
- Um Kierfecht vu La Cassine
- De Britteschen Zaldotekierfecht vu Roye (Roye New British Cemetery)
- Kierfecht vu Cugny, sechs brittesch an ee kanadeschen Zaldot déi beim Ofstuerz vum Halifax am August 1944 ëm d'Liewe koumen
- Kierfecht vun Uewerlonkech, 2 Griewer aus dem 1. Weltkrich
- Nécropole nationale vu Pierrepont, 2 Griewer
- Kierfecht vun Herbisse, 7 Griewer vun enger Fligerbesatzung (5 vun der Royal Air Force Voluntary Reserve an 2 vun der Royal New Zealand Air Force) vum 49. Squadron Bomber Command. Si koumen den 19. July 1944 beim Ofstuerz vun hirem Lancaster Mk III (N° JB178) ëm d'Liewen
- Kierfecht vun Épernon, 7 Griewer vun der Besatzung vun engem Halifax vum 640 Squadron, deen an der Nuecht vum 2 op den 3 Juni 1944 iwwer Épernon ofgeschoss gouf.
- Kierfecht vu Garancières-en-Drouais, Graf vum Sydney Wallace Johnson, dee beim Ofstuerz vum Blenheim N° R3693 vum 40 Squadron vun der RAF ëm d'Liwe koum.
- Um Kierfecht vun Dreux, 68 Griewer.
- Nécropole nationale d'Assevent, 7 englesch Zaldoten dovu 4 identifizéiert.
- Um Kierfecht vu Montagny-Sainte-Félicité, 1 Graf vun engem Zaldot vun de 1st Life Guards.
- Nécropole nationale de Dormans, 22 englesch Zaldoten aus dem 1. Weltkrich.
Um Spaweck änneren
| Commons: Commonwealthgriewer – Biller, Videoen oder Audiodateien |
| Commons: Commonwealthkierfechter – Biller, Videoen oder Audiodateien |