Bergues

Bergues, op Hollännesch Sint-Winoksbergen, ass eng franséisch Stad a Gemeng am Blootland am Nord an der Regioun Hauts-de-France.

Bergues
Land	Frankräich
Regioun	Hauts-de-France
Departement	Nord
Arrondissement	Dunkerque
Kanton	Coudekerque-Branche
Postcode	59380
Gemengecode	59067
Koordinaten	50° 58’ 09’’ N       02° 26’ 06’’ O
Fläch	132 ha
Bevëlkerung	4 306 (1999)

Bergues läit op enger Héicht vu 6 Meter am Duerchschnëtt, mat engem Minimum vun engem Meter an engem Maximum vun 22 Meter.

D'Awunner gi Berguois genannt.

Nopeschgemengen

	Coudekerque
Bierne		Hoymille
	Socx	Quaëdypre

Bergues am Film

Bergues gouf 2008 duerch de Film Bienvenue chez les ch'tis vum Dany Boon bekannt, dee sech haaptsächlech zu Bergues ofspillt.
An deem Film ginn d'Leit gleewe gelooss, d'Awunner vu Bergues géifen den Dialekt Ch'ti schwätzen. Tatsächlech gëtt do awer flämesch geschwat. Nodeem de Film erauskoum, huet sech an der Stad en Tourismus entwéckelt, dee se bis dohin net kannt huet. Bei touristesche Féierungen, déi meeschtens vum Klackespiller, dem Jacques Martel vu Bergues geleet ginn, gëtt een da gewuer, datt nëmmen eng Koppel an der ganzer Gemeng den Dialekt schwätzt, dobäi schwätzt d'Fra de Ch'ti an de Mann de Ch'timi, d'Sprooch vun de Biergaarbechter déi op dem Ch'ti baséiert.

Kuckeswäertes

• De Klackentuerm deen den 2. November 2004 als historescht Monument klasséiert gouf, an zanter dem 16. Juli 2005 op er Lëscht vun de Weltierwe vun der UNESCO steet.

Kuckt och

• Departement Nord
• Arrondissementer am Departement Nord
• Kantonen am Departement Nord
• Lëscht vun de Gemengen am Departement Nord

Um Spaweck

Commons: Bergues – Biller, Videoen oder Audiodateien

• Internetsäit vu Bergues