Allée des Résistants et des Déportés

D'Allée des Résitants et des Déportés ass eng Strooss am Quartier Lampertsbierg, an der Stad Lëtzebuerg.

Allée des Résitants et des Déportés

Längt	ca. 220 m
Land	Lëtzebuerg
Gemeng	Lëtzebuerg
Uertschaft	Lëtzebuerg
Quartier	Lampertsbierg
Postcode	1431
Koordinaten	49° 36’ 56.3’’ N       06° 07’ 14.3’’ O

Si verbënnt, als Verlängerung vun der Allée Scheffer, dës mat der Rue Jean-Pierre-Probst, an déi s'iwwergeet. Op hirem ganze Verlaf ass op der nord-westlecher Säit de Nikloskierfecht. Op der südëstlecher Säit leeft se e Stéck laanscht de Klenge Glacis, dono laanscht d'hënnescht Säit vum Gebai vun der fréierer Europaschoul (haut Institut national des langues Luxembourg).

Zanter 2018 leeft d'Linn 1 vum Stater Tram derduerch, déi do, um Eck mat der Faienceriestrooss, eng Halt huet (Faïencerie).

2016, am Ufank vun de Bauaarbechte fir d'Infrastruktur vum Tram, goufen op der Kräizung mat der Avenue de la Faïencerie Reschter vun de Grondmauere vun der Neipuertskapell fonnt, déi an der Zäit vun der Franséischer Revolutioun ofgerappt gi war.

D'Strooss huet hiren Numm zu Éiere vun de Resistenzler an den Deportéierten am Zweete Weltkrich, deenen hiert nationaalt Kommemoratiounsmonument, d'Hinzerter Kräiz, nobäi um Nikloskierfecht ass.

Biller

• 
  Virum Reamenagement fir den Tram (2015)...
• 
  ... an dono.
• 
  D'Verwaltungsgebai vum Nikloskierfecht, dat eenzegt Gebai an der Strooss.
• 
  Ausgruewunge vun de Grondmauere vun der Neipuertskapell (2016).]]

Um Spaweck

Commons: Allée des Résistants et des Déportés – Biller, Videoen oder Audiodateien

Allée des Résitants et des Déportés an Ons Stad N° 52