Airy (Marskrater)
Den Airy ass en Aschlagkrater um Planéit Mars. E läit südlech vum Marsequator an huet e bëssi méi wéi 43 Kilometer am Duerchmiesser. Am Airy-Krater läit de Krater Airy-0, deen en Duerchmiesser vu 500 Meter huet an deen d'Lag vum Nullmeridian um Mars definéiert.
| Airy (Marskrater) | |
|---|---|
 | |
| Eegenschaften | |
| Regioun | Sinus Meridiani |
| Koordinaten | 5,1°S, 0,1° O |
| Duerchmiesser | 43 km |
| Genannt nom | George Biddell Airy |
Den Airy läit bannenzeg der donkeler Meridianbucht Sinus Meridiani. Déi gouf vun den däitschen Astronomen Wilhelm Beer a Johann Heinrich Mädler bei hiren Observatiounen an den 1830er Joren als Markéierung gebraucht, déi gehollef huet d'Rotatiounsdauer vum Mars ze bestëmmen. Dat vum Beer a Mäder einfach "A" genannt Zeeche gouf 1877 vum Giovanni Schiaparelli als Nullmeridian fir seng Marskaarte festgeluecht a gebraucht. D'Date vum Mariner 9 haten 1972 eng méi genee Definitioun gebraucht a sou gouf de Krater Airy-0 fir d'Preziséierung benotzt.[1]
Den Airy ass nom engleschen Astronom George Biddell Airy genannt.[2]
Kuckt och änneren
Um Spaweck änneren
Referenzen änneren
- ↑ Michel Capderou: Satellites: orbits and missions. Springer Verlag, Paris 2005, ISBN 2-287-21317-1, Säit 406
- ↑ Oliver Morton: Mapping Mars: Science, Imagination, and the Birth of a World. Picador USA, New York 2002, ISBN 0-312-24551-3, Seite 22f